影片
更多
2018-08-11
66 瀏覽
香港人一直對日本菜情有獨鍾，係尖沙咀一向都有唔少好西食，而今次試下呢間新開張既花木， 主打精緻既日本料理，地理位置相當方便，位於天文臺道，從尖東站過去僅需要10分鐘的路程。一入門口，裝修同環境相當唔錯，感覺高雅寧靜，好啱同朋友談心。餐廳氣氛具有濃濃既日本風味，除咗吧檯區既用餐設計，亦有開放式既包廂位置，令食客留有一定既私人空間。而且餐具﹑碟﹑以至筷子架都相當別緻，尤其係紙鶴筷子架，非常可愛。店家為客人送上三色頭盤，賣相已經好吸引，擺碟非常講究，仲有支小燈同木架做裝飾，好似成幅畫咁，夠曬詩意。水果醋漬蘿蔔白蘿蔔吸收曬水果既香味，爽口之餘，味道酸酸甜甜，開胃又清爽。炸檡蟹仔每隻既造型都好可愛，好似手舞足蹈緊咁，好唔捨得擺入口，不過唔食就未免太浪費啦，脆炸既蟹仔，入口鬆化香脆，帶有些少咸香，送酒一流。日式蜜汁魚乾烤過既小魚乾配以醬油、味醂等既醬汁拌炒，係日本傳統既小菜，味道鮮味鹹香，好想撈飯。生明太子我地亦都叫左個生明太子作為前菜，味道同一般出面食既明太子唔同，外面有煙熏過既香味，入面既明太子則唔會太咸，味道有少少似煙肉，非常特別，亦可沾上少少酸汁食用，會更加清爽。串燒拼盤八本有牛柳粒﹑雞腎
一入門口，裝修同環境相當唔錯，感覺高雅寧靜，好啱同朋友談心。餐廳氣氛具有濃濃既日本風味，除咗吧檯區既用餐設計，亦有開放式既包廂位置，令食客留有一定既私人空間。
而且餐具﹑碟﹑以至筷子架都相當別緻，尤其係紙鶴筷子架，非常可愛。
店家為客人送上三色頭盤，賣相已經好吸引，擺碟非常講究，仲有支小燈同木架做裝飾，好似成幅畫咁，夠曬詩意。
水果醋漬蘿蔔
白蘿蔔吸收曬水果既香味，爽口之餘，味道酸酸甜甜，開胃又清爽。
三色頭盤（水果醋漬蘿蔔﹑炸檡蟹仔﹑日式蜜汁魚乾）
5 瀏覽
0 讚好
0 留言
炸檡蟹仔
每隻既造型都好可愛，好似手舞足蹈緊咁，好唔捨得擺入口，不過唔食就未免太浪費啦，脆炸既蟹仔，入口鬆化香脆，帶有些少咸香，送酒一流。
日式蜜汁魚乾
烤過既小魚乾配以醬油、味醂等既醬汁拌炒，係日本傳統既小菜，味道鮮味鹹香，好想撈飯。
三色頭盤（水果醋漬蘿蔔﹑炸檡蟹仔﹑日式蜜汁魚乾）
7 瀏覽
0 讚好
0 留言
我地亦都叫左個生明太子作為前菜，味道同一般出面食既明太子唔同，外面有煙熏過既香味，入面既明太子則唔會太咸，味道有少少似煙肉，非常特別，亦可沾上少少酸汁食用，會更加清爽。
串燒拼盤八本
有牛柳粒﹑雞腎﹑雞肝﹑雞翼﹑鵪鶉蛋﹑露荀﹑大蔥等，每串都燒得恰到好處，外皮香脆，但仍保留到肉汁。
生明太子﹑串燒拼盤八本
10 瀏覽
0 讚好
0 留言
蒲燒鰻魚
魚肉肥美柔嫩，經過表面微微炙燒，有焦香味，加上濃厚香甜既醬汁，食到脆脆既魚皮口感。
蒲燒鰻魚
9 瀏覽
0 讚好
0 留言
雜錦天婦羅
天婦羅相當豐富，有海蝦﹑竹筴魚﹑茄子﹑青豆等，最特別既係炸到扇型既素麵。醬汁除左有傳統既天婦羅汁﹑蘿蔔蓉，仲有抹茶粉，非常特別，估唔到天婦羅汁加抹茶粉呢個組口會咁香同清新，強烈推薦！
雜錦天婦羅
9 瀏覽
0 讚好
0 留言
花木仲買人特選壽司十本
師傅精選十款即日空運到港既海鮮，首推鯛魚壽司，入口鮮甜有彈性，魚肉爽口新鮮， 搭配特製既醋飯，回味無窮。
花木仲買人特選壽司十本
11 瀏覽
0 讚好
0 留言
而拖羅入口有獨有既油脂香味，更食到濃濃肉味，而且無筋，入口好似食緊牛扒咁，好香口。
而海膽非常滑嫩，入口好濃郁好甘甜，亦夠曬creamy，海水味係口中完全散發出來，不得了。
花木仲買人特選壽司十本
14 瀏覽
0 讚好
0 留言
昆布豚肉炒飯
炒得相當有鑊氣，米飯粒粒分明，味道豐富，豚肉香口。
沖繩豚肉野菜炒麵
麵條煙韌彈牙，野菜清新爽口，麵條同豚肉吸收曬醬汁既味道，口感豐富。
昆布豚肉炒飯﹑沖繩豚肉野菜炒麵
12 瀏覽
0 讚好
0 留言
牛肉壽喜燒
店員會係客人面前即製壽喜燒湯底，先以牛油起鍋，再加洋蔥同木魚水﹑醬油，甜甜既醬油味道引起大家既食慾，牛肉肉質嫩滑，感覺新鮮，加上各式蔬菜，大滿足啊！
小倉白玉抹茶蕨餅
外表已經冇得彈，白玉團子配上甜甜既紅豆粒，加上新鮮既士多啤梨同抹茶蕨餅，絕對係完美配搭！
小倉白玉抹茶蕨餅
13 瀏覽
0 讚好
0 留言
今餐四個人食咗大約2300蚊，但係絕對值得呢個價錢，下次可以試下其他菜式！
張貼
