高興+ (已結業)

今日同朋友有啲野做，所以要喺北角食晚飯，行行吓，搵到一間裝修幾特別幾靚嘅鋪頭，鋪頭內有啲懷舊嘅風格但卻有着現代嘅裝修，最重要嘅係，坐得幾舒服。諗住可能會好貴啦，點知價錢合理，入到黎都可以放心嗌嘢食。我哋叫咗佢個招牌雞翼，大蝦沙律，橙汁三文魚扒，茄汁帶子燴意粉。高興雞中翼牛油果醬忌廉好好味，味道好濃郁，仲要隻隻好大隻，大隻得來裏邊又唔會唔熟同埋嫩滑。點埋牛油果醬嘅話會更加好，因為感覺仲新鮮啲。如果下次再來，我覺得一定要再食。柚子大蝦沙律分量足夠，味道有啲特別，因為佢落咗小小椰汁，令到食出嚟同一般嘅感覺好唔同。沙律柚子，蝦，仲有nuts同車厘茄，撈埋一齊食，唔錯。法式橙醬三文魚扒賣相唔錯，尤其係個一片橙，雖然我冇食，但係呢度睇都幾靚， 再配埋啲薯菜，個樣出晒黎。三文魚扒煎得幾好，唔會overcook，煎得幾香。茄汁帶子燴意粉有三粒大大粒嘅帶子，茄汁同意粉依個配撘都係冇得輸既。食完一啖就想食下一啖，同埋都幾大碟，最後好似食剩少少。蘋果菠蘿石榴羽衣甘藍依樽野淨係需要加$9就有，我就覺得好抵。飲落去有少少酸味，但唔係變壞個隻，應該係有石榴到走出嚟。好飲！總結：如果我再去北角食晚飯嘅話，我會再揀依