千賀水產 (已結業)

今晚黎到元朗覓食，見到一間千賀水產的放題，見環境大，人唔太多，所以入去試試。坐底店員主動介紹返點餐紙，飲料區、沙律區等，之後會先上一盤磯燒海鮮，非常豐富，有貴妃蚌、蝦、帶子、鮑魚、蜆，蝦子很生猛，在竹簽上仲一直跳躍著！平時燒野食最驚就係燒不熟，這裡最貼心係有店員會幫你燒、幫你剪同分配燒烤食物，好細心又令我食得好開心。我地仲點左燒菠蘿，又甜又多汁，同燒魷魚，爽口~刺身的選擇都好多，數量足，唔會雪到好冰，都好新鮮。芝士焗蠔焗完之後係金黃色，每隻都漲卜卜，芝士味香，要encore ~串燒雞軟骨很香口，加上調味料在上面，很好味!食左店推薦的蟹皇海膽粥，在爐端燒上大概15 分鐘，夠哂熱騰騰，粥夠綿，每啖都有濃郁的蟹膏味，正！最後，各式各樣的甜品以供選擇，吃得很飽呢