素食一家 (已結業)

吃素都可以好精彩，一啲都唔dry唔悶。白麥汁（$23）原樽白麥汁，味道好似啤酒，但係冇酒精嘅，健康又解渴。齋滷味拼盤（$58）齋菜店必食，酸齋、豉油齋、咖喱齋，透過唔同醬汁將麵筋製成唔同嘅味道，呢度嘅齋滷味調味都幾啱口味。是日正宗老火湯（$32/碗）冇落任何肉類去煲嘅老火湯，味道更清甜，營養價值一樣高。香煎竹笙腐皮卷（$88）腐皮煎得香脆，竹笙及雲耳餡料咬落索索聲，仲有伴碟嘅蔬菜，營養均衡。招牌羅漢上素脆麵（$75）脆麵上鋪滿羅漢齋，顏色賣相具佳，味道亦算中上質素。