英皇紅酒扒房 (已結業)

今次去左位於北角呢間扒房据扒，餐廳環境都幾整齊，坐得都幾舒服，不過服務態度就麻麻地，吾知係米因為得個兩個侍應招呼十幾枱客。。。我地叫左兩份套餐，首先嚟個意式雜菜湯，很濃蕃茄味有酸酸甜甜既感覺，都很足料，另外再配上香脆可口既蒜蓉牛油法包。美國穀飼牛肉眼(10oz)終於出場，望落去非常足料，大大塊既牛扒之餘肉身嫩滑肉味唔算太出，因為用左個好濃既黑椒汁，醬汁蓋過左啲肉味食落去仲有少少渣，反而啲配菜烤雜菜好好食，尤其是炸薯角，外脆內暖，無得頂呀！另一份我地叫左脆皮德國鹹豬手，原隻鹹豬手賣相非常吸引，外面層皮香脆可口，肉質非常嫩滑內有豐富肉汁。如果可以鹹番少少會好味好多，愈吃愈滋味！最後咖啡或茶，我緊係揀左我最鍾意既凍檸茶。