一君士多 (已結業)

先講店面裝修，類似舊香港七八十年代果種，的確會因為咁，吸引你既眼球，令你有想入去既意慾，呢到的確係成功左既但係食物就不似預期，試左富貴麵同火山芝牛飯加一個小食，一君炸彈同一杯龍眼冰特飲富貴麵餐有鮑魚花膠，蠔，大花菇作配料，可以揀唔同麵底，今次選了瀨粉，有四款餸好似好豐富，但一食落口就充分體現一分錢 一分貨既道理，花膠同蠔雖然大，但入口都幾腥，口感差，唔新鮮，大花菇正常，鮑魚同$28罐有幾隻果款好似，麵底同湯底無咩特別，仲要唔係好熱，暖暖地咁，有小小失望😞，$88一碗值唔值見人見智。火山芝牛飯，有牛肉汁配是另上的，如果男仔食的話可能唔夠，因為份量小，但味道算可以接受，牛肉正常，有微微牛香，配料仲有芝士，洋蔥，同一隻窩蛋，洋蔥同芝士搞勻後味道上都唔差，食到有輕微芝士香，窩蛋略嫌過熟，失去精粹，不過整體上算係今次唯一可以接受既食物一君炸彈係鵪春蛋，炸後外層微脆，內有蛋香，可以接受，但餐牌上既炸絲欠奉，變成一張花紋紙😔，圖片只供參考。龍眼冰就最出事，非常淡，完全無味，同顏色水加龍眼肉一樣，仲有唔夠凍，非常失望😞整體而言，不值得一試，千萬別被懷舊外表欺騙了，之所以還值4.5完全因為個牛肉飯可能車