Garrett Popcorn (已結業)

平常好少食爆谷，因為怕熱氣，如果要熱氣寧願食薯片，但唯獨被這個爆谷吸引，黑朱古力的爆谷未食過呢。原來一包買唔可以淨黑朱古力，要溝埋焦糖味，拆開來睇各佔一半左右，袋口設計幾好，有鐵枝可以夾實，放1-2日食都唔會太淋。我這包大約一半一半比例，焦糖爆谷沒期望下發現都幾好食，焦糖夠厚所以脆，香甜，而有黑朱古力的，朱古力層亦都頗厚，夠濃，唔太甜，裡面同樣是焦糖層，雙重滋味享受，令人難忘，好食到停唔到口呢，會想再買。