影片
更多
2018-04-20
469 瀏覽
去完愉景新城兒童書展，又離開大商場搵食，老公介紹巷仔冰室据扒，据扒都幾好喎。冰室在街市對面，附近環境真係...唔得，但入到裡面，好得! 在外面等見裝修等，已經覺得同外面環境格格不入，店裡面算有情調，梳化好大好舒服，未有殘舊, 環境幾好噃。點了兩客精選晚餐，湯、主餐、飲品、甜品都有，食物非常滿意。湯台端上已有驚喜，白湯係蘑菇湯，好多蘑菇粒，阿囡9秒9飲完，話好味嘛! 紅湯羅宋湯係有牛肉碎的濃湯，不是紅色酸湯。點了荷蘭牛柳及保雲酥美國牛仔骨。有時見到侍應端著一串大啡菇，乜有大啡菇餐的嗎？原來就是晚餐荷蘭牛柳, 好特別的串燒，用煙肉圍著牛柳串起，究竟煎牛柳先定煎煙肉先定一齊焗？應該都用了很多心思，擺盤也很美有薯角，不過唔太脆，香草牛油也很用心，味道很足，根本不用醬汁，但有醬汁另上是用心的。牛柳很腍，入味，好吃。雲寶酥牛仔骨，以前只試過雲寶酥羊架，雲寶酥是較少見的煮法，但那種香酥味道，真係好脆不油膩，牛仔骨那些少少的脂肪邊，也很香，也是我的至愛, 一點不會膩，實在高水準之作品，兩個花巧的主菜，都係是日晚餐，仲送跟餐甜品。兩個扒餐好似唔夠兩大一細食，另外點了一個多士塔甜品，以為和茶木差不多，但來
冰室在街市對面，附近環境真係...唔得，但入到裡面，好得! 在外面等見裝修等，已經覺得同外面環境格格不入，店裡面算有情調，梳化好大好舒服，未有殘舊, 環境幾好噃。
點了兩客精選晚餐，湯、主餐、飲品、甜品都有，食物非常滿意。
湯台端上已有驚喜，白湯係蘑菇湯，好多蘑菇粒，阿囡9秒9飲完，話好味嘛! 紅湯羅宋湯係有牛肉碎的濃湯，不是紅色酸湯。
點了荷蘭牛柳及保雲酥美國牛仔骨。
有時見到侍應端著一串大啡菇，乜有大啡菇餐的嗎？原來就是晚餐荷蘭牛柳, 好特別的串燒，用煙肉圍著牛柳串起，究竟煎牛柳先定煎煙肉先定一齊焗？應該都用了很多心思，擺盤也很美有薯角，不過唔太脆，香草牛油也很用心，味道很足，根本不用醬汁，但有醬汁另上是用心的。牛柳很腍，入味，好吃。
雲寶酥牛仔骨，以前只試過雲寶酥羊架，雲寶酥是較少見的煮法，但那種香酥味道，真係好脆不油膩，牛仔骨那些少少的脂肪邊，也很香，也是我的至愛, 一點不會膩，實在高水準之作品，兩個花巧的主菜，都係是日晚餐，仲送跟餐甜品。
兩個扒餐好似唔夠兩大一細食，另外點了一個多士塔甜品，以為和茶木差不多，但來的是很巨型的多士塔，內裡的麵包變哂西多士，並不是茶木的焗麵包粒，西多士肯定更多功夫，更有心思，麵包邊也很脆，但因為西多士份量很多，而且之前又吃了扒餐，吃多了會有點油，如果可以選焗多士粒或西多粒，相信一樣咁好吃，吃多了會想吃番多士粒，但其實下次俾我選，都可能會選較多功夫的西多士粒吧？仲有朱古力碎的雪糕，好正呀！吃這甜品，真係當正餐份量食都飽。
吃完多士塔，還有跟晚餐的甜品，是雪糕伴Tiramisu, 仲細心地用朱古力寫上corner, 更對corner kitchen這名字深刻。除了甜品份量多，tiramisu仲有輕輕的Rum酒,好彩女兒沒吃，實在沒有想過是日晚餐的甜品會這麼認真，造法咁仔細，令我也很認真地寫這食評，希望下次食唔駛大排長龍，仲保持水準仲有得食啦。
今餐真係五星級回味!
張貼
