亞婆豆腐花 (已結業)

拜左車公咁多年，每次一出大圍火車站都會去阿婆豆腐花度買返支 豆漿飲，豆味非常濃郁，而且唔會好甜，有凍，亦有熱，就算夏天既時候都有暖既供應，真係非常貼心又新鮮！價錢亦非常經濟，一支都只係12蚊！ 今日食多左一碗黑芝麻豆腐花，滿滿既芝麻粉，混合埋黃糖就最好味! 豆花細滑又唔會好易散晒，同時好有彈性，豆味加埋濃濃芝麻香，（芝麻好難炒得靚，因為好多時會有草青味，但阿婆無，反而做到好重既芝麻味）讚! 其實個人口味熱比較濃味啲，芝麻味突出啲！不過溫馨提示一下先，過左8點就無得堂食架喇！