三姐海鮮飯店 (裝修中)

如果有人行埋來推介菜式，各位請問清楚價錢先好落單。尋晚三姐行來推介脆卜卜炒飯，我拒絕左，因為之前食過幾次，普通菜甫肉碎蝦粒炒飯加左飯焦粒而已，收你$128，貴到啊！我地叫窩貼小唐菜，三姐話有番薯栗子餅拼窩貼小唐菜，叫我地試下。結果係一片麥記薯餅大細的薯餅切開八片仔，搭在窩貼小唐菜兩邊，但係就加收$58，埋單時先知，唯有怪自己無問清楚，另外而家要收加一。是晚仲叫左雞半隻「依舊幾好味」，橙花蝦球「梳打水浸既蝦，無味但有彈力」，腐竹肉碎炒油麥菜「鹹到啊」，例湯「普通」，杏仁王兩碗。 埋單$728家住附近，食過N次，出品質素越來越差，相信都未必會再幫襯了。