宮崎日式燒肉店 (已結業)

朋友介紹話宮崎呢間燒肉放題可以滿足到食為食肉獸既我，所以今日就同朋友嚟挑戰一下。一嚟就清清地食啲海鮮同蔬菜先，海鮮我地點咗青口、蜆、扇貝，而蔬菜我地點咗金菇同粟米。海鮮都好新鮮，入口彈牙又唔會話霉，而蔬菜我本身以為佢會就咁一棵棵上，點知佢連埋錫紙兜上，真係細心，抵錫宮崎鮮味之選有三樣，分別有憤怒火牛仔、冰鎮大頭蝦和仙境穀飼豚。我同朋友點咗兩個宮崎鮮味之選，憤怒火牛仔同埋仙境穀飼豚。牛就帶有韓式醬油和泡菜味，豚肉就新鮮爽口，但係兩款宮崎鮮味之選出場果陣都係煙霧彌漫，felling好正。雖然你可以話咪又係係個架底擺啲乾冰加啲水出下煙有咩特別﹖但問心我唔會係屋企攪啲咁嘢囉，所以呢啲咪叫心思囉，抵加誠意分啦﹗之後我地點咗啲炸物同埋刺身，我本身係好鍾意食炸物，但係又好驚啲炸物會炸完之後勁多油，油淋淋咁，食完啲油仲黐住個喉嚨果種感覺，但好彩宮崎啲炸物炸得好乾身，而且天婦羅啲漿粉唔會好厚，好味。而刺身亦都好新鮮，魚生夠彈牙，加上食完魚生唔會成陣腥味留係口入面。我地跟手揀咗四式豚肉同埋四式雞肉，每式味道各不同。雞肉同豚肉都各有四種唔同口味