Green Orange

今晚餐飯我地搵佐間西餐，專門慶祝最近升職。我見呢間西餐價格公道，Openrice上訂位有八折，就過來試下。來到見到餐廳無咩人，心諗驚中伏。好在食完之後覺得全程感覺好好，食物、環境、服務我都好滿意。黑松露蟹肉多士🍞多士夠酥脆、蟹肉的鮮嫩加黑松露的獨特香氣，口感好好。帶子沙律🥗香煎帶子的鮮甜搭配新鮮蔬菜，仲有好多塊芒果，酸酸甜甜好開胃。海鮮湯🥣青口海鮮湯，味道較為濃郁，好睇個人喜好，我唔係好飲得慣。紅蝦意麵🍝三隻紅蝦，意粉口感煮得啱啱好。西冷牛扒🥩哈哈其實食完前面滴已經有六分飽，但係牛扒實在吸引，又來多次大滿足，啖啖肉。焙茶焦糖燉蛋🍮焦糖的甜與焙茶的香氣相融合，口感絲滑。自家紅酒🍷慶祝toast必不可少啦，氛圍感拉滿，酒體醇厚，同牛扒好配搭。呢間西餐好唔錯啊，唔知點解來嘅人唔多，唔知係咪因為佢開係二樓嘅原因，定係依家真係少佐好多人出來食飯。希望呢間西餐可以越做越好啦。