影片
更多
2020-10-20
436 瀏覽
西九龍中心有乜新餐廳開張，我都會好有興趣想試吓，七月嗰陣八樓美食廣場新開嘅「西九漢堡🍔」係其中之一。不過有兩三次經過間舖，店員明明好得閒玩手機，見到有客人行經都唔會主動宣傳介紹下，認真趕客。相反對面轉角舖嘅麻辣嘢阿姐勁積極，相形見絀！老實講，幫襯美食廣場我唔要求有任何服務，但至少畀客人感受到你係有誠意經營囉！不過可能大家心態唔同😥。呢日我同同事幫襯係因為見到用外賣App訂餐有折，所以就試下，反正唔試唔心息。不過一連串失望嘅事就發生了，喺App落單平少少，但唔知間舖嘅實際情況，結果中伏了。App寫等廿分鐘，點知廿分鐘後我哋去到餐廳，張單仲排緊隊，另加兩個🐼步兵等緊...。成間舖根本得一個店員，邊做得切？如果係咁，就暫停喺網上接訂單囉！店員忙到再有客想嗌嘢食都無暇去接單，而且佢收錢過程亦非常混亂，收多咗客$6，但仲話個客爭佢$6，不過佢後尾自行發現出錯。店員好忙，完全兼顧唔到要做嘅工作，問佢要等幾耐，佢話15分鐘，但超碼三倍時間都唔止，唉。佢唔係無禮貌，但連基本一句「唔好意思要你等咁耐」都欠奉😑。另外，我會形容佢處變不驚，因為被N條友追擊有嘢食未嘅情況下，佢都仍然保持「慢煮」嘅態度。我見住
老實講，幫襯美食廣場我唔要求有任何服務，但至少畀客人感受到你係有誠意經營囉！不過可能大家心態唔同😥。呢日我同同事幫襯係因為見到用外賣App訂餐有折，所以就試下，反正唔試唔心息。
不過一連串失望嘅事就發生了，喺App落單平少少，但唔知間舖嘅實際情況，結果中伏了。App寫等廿分鐘，點知廿分鐘後我哋去到餐廳，張單仲排緊隊，另加兩個🐼步兵等緊...。成間舖根本得一個店員，邊做得切？如果係咁，就暫停喺網上接訂單囉！店員忙到再有客想嗌嘢食都無暇去接單，而且佢收錢過程亦非常混亂，收多咗客$6，但仲話個客爭佢$6，不過佢後尾自行發現出錯。
店員好忙，完全兼顧唔到要做嘅工作，問佢要等幾耐，佢話15分鐘，但超碼三倍時間都唔止，唉。佢唔係無禮貌，但連基本一句「唔好意思要你等咁耐」都欠奉😑。另外，我會形容佢處變不驚，因為被N條友追擊有嘢食未嘅情況下，佢都仍然保持「慢煮」嘅態度。我見住佢一塊漢堡扒兩邊煎，時間夾埋起碼廿分鐘，而同一時間只可煎兩塊？！玩遊戲咩？
企喺度苦苦等待半個鐘⌛️都得唔到我哋想要嘅嘢，加上其中一個同事趕時間，我哋唯有拎住三個漢堡包返去先，唔等埋薯條同小食係因為我哋拎包嗰刻佢先剛剛扔落油炸，等埋又唔知幾耐。如果我哋唔拎包先，佢諗住一次過先畀我哋，咁啲包咪又凍哂？每一個步驟都出哂事！
我哋食哂啲包，再去舖頭拎返啲小食就終於唔駛再等...。整個外賣自取由落單一刻計到所有食物Ready要70分鐘，真係無可能接受到，就算我唔駛返工都無理由要浪費時間苦等，何況我要😅😅😅。唔好唔記得呢度係Foodcourt！
簡單節錄一下個時序：
13:20手機落單話等20分鐘
13:35 到達餐廳訂單未開始煮
14:03 三個漢堡包Ready, 但薯條小食剛落油鑊
14:30 最終拎埋薯條小食
*****
講食物味道之前，先要再講講店員衞生意識。由於得佢一條友，所以收銀以至煮嘅工作都由佢包辦。佢係有帶手套🧤，但隻手套由頭至尾都無除過，全程帶住嚟收錢、開雪櫃、摷廚櫃、煎漢堡扒、夾麵包、聽電話等，無洗過手😓，好污糟同好嘔心呀🤢🤢🤢。我有一刻驚啲食物會有硬幣銅臭味，好彩食時無古怪味。可能好多人會話大部份廚房都係咁㗎啦，但分別在於會否看在眼內丫嘛，我同意眼不見為乾淨㗎。
我哋要咗三個漢堡，公道講味道OK嘅，塊漢堡扒有牛味同幾Juicy，但份量好細個，賣相亦普通到不得了。仲要加錢$13先有薯條同汽水。🍟薯條好難食，完全唔脆，好似雪櫃拎出嚟解凍即食咁。$4X單點漢堡一個其實唔抵食囉，包埋薯條就差唔多，美食廣場$60食唔飽想點？天悦嗰間同價，但高質幾倍，又有得堂食。
焰辣雙芝士美牛漢堡
$45
14 瀏覽
0 讚好
0 留言
超經典芝士牛堡
15 瀏覽
0 讚好
0 留言
BBQ雞堡
18 瀏覽
0 讚好
0 留言
小食拼盤
$58
14 瀏覽
0 讚好
0 留言
之後機緣巧合下喺社交媒體同個店主簡單講過訂單等好耐嘅問題，佢回應話嗰日有同事請病假先得一個人。但其實我開初經過間舖係得一個人，講完之後再經過咪又係得一條友🤭。
總括嚟講，本身覺得西九龍中心無漢堡賣，或者小店都能殺出一條血路，只可惜各方面都有大大嘅改進空間。有睇開我食評都知其實我好少俾負評或彈得好差，我並唔係想好苛刻咁批評佢，但情況真係難以令人接受。如果我純為抹黑，唔會打咁多字，但因為以上通通都係親身經歷！新開唔係藉口，新開更加要做好準備功夫，省靚個招牌。希望佢能喺態度、定價、食材、份量同衞生等方面，作出改善。留意番西九龍中心步行十分鐘以內已經有兩間出名漢堡店，競爭咁大，小店唔努力啲只恐怕會被淘汰👎🏻。
張貼
