影片
更多
2018-08-13
361 瀏覽
筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！雖然我係一個不折不扣嘅邊爐精，但其實蒸鍋係我心中都有個地位。而如果講任食蒸鍋的話，就一定非壹蒸鍋莫屬。係兆萬中心有兩間，一間係壹火鍋，一間係壹蒸鍋，分別在於前者鍋底選擇多d(有雞煲)，而後者就有多d蒸品食。今晚女友係尖沙咀上堂，過到旺角差不多10pm，剛好10pm入座有任食三小時，可以一邊傾下計，一邊慢慢食！醬油同飲品唔少得，仲有一個飲品櫃提供暖嘅飲品，十分細心。醬油特別推薦呢個xo醬，超足料，當前菜食都得！落左湯底就送上餐前小食，味道一般，餅乾亦都疏哂氣淋哂我地黎親壹蒸鍋都只會由頭蒸到落尾，好少食佢個打邊爐，原因係火鍋配料較少，寧願食蒸野多d，所以如果你好想打邊爐就建議去壹火鍋！雖然我地唔打邊爐，咁但係唔代表湯底唔重要，因為蒸氣都係黎自湯底，所以蒸出黎
雖然我係一個不折不扣嘅邊爐精，但其實蒸鍋係我心中都有個地位。而如果講任食蒸鍋的話，就一定非壹蒸鍋莫屬。係兆萬中心有兩間，一間係壹火鍋，一間係壹蒸鍋，分別在於前者鍋底選擇多d(有雞煲)，而後者就有多d蒸品食。今晚女友係尖沙咀上堂，過到旺角差不多10pm，剛好10pm入座有任食三小時，可以一邊傾下計，一邊慢慢食！
醬油同飲品唔少得，仲有一個飲品櫃提供暖嘅飲品，十分細心。醬油特別推薦呢個xo醬，超足料，當前菜食都得！
xo醬
18 瀏覽
0 讚好
0 留言
落左湯底就送上餐前小食，味道一般，餅乾亦都疏哂氣淋哂
餐前小食
13 瀏覽
0 讚好
0 留言
我地黎親壹蒸鍋都只會由頭蒸到落尾，好少食佢個打邊爐，原因係火鍋配料較少，寧願食蒸野多d，所以如果你好想打邊爐就建議去壹火鍋！雖然我地唔打邊爐，咁但係唔代表湯底唔重要，因為蒸氣都係黎自湯底，所以蒸出黎嘅野食會帶點湯底味道，所以我地揀左個濃味d嘅喇沙湯！湯頭味濃，帶酸辣，好味道！
喇沙湯底
13 瀏覽
0 讚好
0 留言
之後海鮮黎到，侍應會幫你搞掂仲調校好8分鐘，一響就食得！大家可以睇下未蒸之前係真係好新鮮！
蒸完出黎全部漲卜卜，非常鮮甜，加埋炸蒜同粉絲，吸收哂所有海鮮嘅精華，滋味！
蒸品都好多選擇，特別推薦自家製墨魚球、瑤柱水蛋、小籠包同肥牛！呢度d肥牛色水靚又唔會過肥，如果蒸的話擺嘅時候要攤好d，平均受熱先會熟得哂！
題外話/補充資料：
之前食過蒸品有龍躉腩，不過宜家無左了，可惜！
(以上食評乃用戶個人意見 , 並不代表OpenRice之觀點。)
張貼
