尋魚記 (裝修中)

V City 假日的原來都幾旺，我地來到行完街，見到尋魚記都好多食，所以都拎飛見識下。✡️ 一小口炸饅頭 ～ 炸過的饅頭沾一沾煉奶甜絲絲又脆卜卜。✡️ 雞絲拌粉皮 ～ 粉皮晶瑩通透，拌勻麻醬和雞絲一同進食，係啱哂夏天食的涼拌菜式。✡️ 2人份量醬香大盤香鍋 ～ 有牛肉、鮮蝦、 鹵水肥腸、鹵水豬耳、牛肉丸、墨魚丸、午餐肉、豬肚條、炸枝竹、福花葉、鮮冬菇和蓮藕片，呢個香鍋很好佢有2人份和4人份選擇， 好似我地得兩個人食，可以點2人份， 咁個肚就有空間叫其他菜式品嚐， 味道方面醬香味濃郁，豬肚牛肉炸枝竹特別吸引我。✡️ 松子大黃魚 ～ 大黃魚切了幾大刀再炸，每件魚肉都沾到糖醋汁，酸甜開胃， 松子夠香魚肉夠滑超下飯。✡️ 芝麻糊芋圓 ～ 呢碗芝麻糊濃而不太甜，芋圓夠煙韌感。