樂口福酒家

營業中

休息中

當晚一行四人到九龍城樂口福，我哋一坐低，侍應就端上幾杯功夫茶，飲落香口易入喉。當晚我哋叫咗蠔餅、沙嗲炒牛肉、蠔仔肉碎粥、福果芋泥、碧綠川椒雞、潮州炒麵線、滷水拼盤。滷水拼盤味道不錯，滷水味非常之出。蠔餅同蠔仔肉碎粥都幾好食，但因為其他嘅食物更好食，所以相對地佢哋冇咁特別。沙嗲炒牛肉沙嗲味好香，牛肉又唔會好靭。碧綠川椒雞雖則佢唔係好辣，但都好入味。潮州炒麵線表面上看似冇乜特別，但食落去非常脆，味道都好得。甜品福果芋泥，食落去口感較粘口，幾特別，不錯。當晚我哋係平時日子去，但都算多人。所以最好去之前book定位先。