影片
更多
2006-03-25
115 瀏覽
Mar-25又係我八卦睇到食評話呢度既燒餅同奇趣有得fight所以想又思思想試下. 星期六晏晝放左工自己一個人由上環行去西環. 初時仲怕唔識路, 但未去到門口已知道冇蕩失路. 因為門口有好多人, 除左果頭既街坊之外, 仲要好多應該唔係住晌果頭既年青人去(我就係其中之一). 相信佢地都係好似我咁睇完食評先去!講返果度有D乜野食先, 糯米滋, 砵仔糕, 光酥餅, 林林種種既唐餅. 我自己就買左都好多野諗住扲返屋企同男友分享:1)砵仔糕: 我都係見呢度話正宗先試, 可能我唔係為太太識欣賞,都唔知同出面有乜分別, 仲要咁細個, 一啖一個就咁就冇左, 唔太抵食.2)蒸蛋糕: 原本冇諗住買呢個,但事頭婆不停咁sell人地,佢都已經好成功地叫排晌我之前個男仔買左兩個. 咁好啦, 見佢咁sell得, 我都買左一個. 3蚊一個都係出面既市價,因為肚餓所以即時食左佢. 個蛋糕仲暖暖地, 唔太甜都幾好味. 3)豆沙燒餅: 呢個真係佢地既鎮店之寶, 好多人都係特登黎買. 初時我怕買左唔好味, 所以只係買左兩個諗住同男友一人個. 點知呢個又真係好正架喎, 正如其他食友所講佢地既燒餅唔係煎而係烘, 所以一D都唔油
又係我八卦睇到食評話呢度既燒餅同奇趣有得fight所以想又思思想試下. 星期六晏晝放左工自己一個人由上環行去西環. 初時仲怕唔識路, 但未去到門口已知道冇蕩失路. 因為門口有好多人, 除左果頭既街坊之外, 仲要好多應該唔係住晌果頭既年青人去(我就係其中之一). 相信佢地都係好似我咁睇完食評先去!
講返果度有D乜野食先, 糯米滋, 砵仔糕, 光酥餅, 林林種種既唐餅. 我自己就買左都好多野諗住扲返屋企同男友分享:
1)砵仔糕: 我都係見呢度話正宗先試, 可能我唔係為太太識欣賞,都唔知同出面有乜分別, 仲要咁細個, 一啖一個就咁就冇左, 唔太抵食.
2)蒸蛋糕: 原本冇諗住買呢個,但事頭婆不停咁sell人地,佢都已經好成功地叫排晌我之前個男仔買左兩個. 咁好啦, 見佢咁sell得, 我都買左一個. 3蚊一個都係出面既市價,因為肚餓所以即時食左佢. 個蛋糕仲暖暖地, 唔太甜都幾好味.
3)豆沙燒餅: 呢個真係佢地既鎮店之寶, 好多人都係特登黎買. 初時我怕買左唔好味, 所以只係買左兩個諗住同男友一人個. 點知呢個又真係好正架喎, 正如其他食友所講佢地既燒餅唔係煎而係烘, 所以一D都唔油膩.內裏既豆沙餡好均勻, 唔會話一邊有餡一邊冇. D豆沙唔會話得個油字,小妹好拍油淋淋既豆沙餡! 2蚊一個比普通出面既size細, 但佢既質數已經令佢加晒分. 原本只係買左兩個最後都返轉頭買多五個諗住夜晚做飯後甜品.卓越既豆沙燒餅真係可以比妣美奇趣!
4)光酥餅: 5蚊一包有5個, 事頭婆初時叫我買大size果隻, 但我死都唔肯架, 因為我鍾意細細個既咁就可以食多幾個嘛. 光酥餅真係幾乾, 連我呢個好錘意食乾哽哽既美食(例如齋wheat bran)都覺得佢幾乾. 因為個餅幾乾所以相對黎講都會比較輕身.仲有光酥餅係咪只係為用蛋白做既咩? 但佢係為黃黃地色仲有D蛋黃味...有蛋黃既唔係應該叫西樵大餅咩?? 而且佢冇左光酥餅既最大特色---冇左一陣臭粉味. 我都係覺得奇趣既好味好多!!
5) 豆沙摩囉酥: 呢個真係好掂!!可能卓越既豆沙餡做得好出色, 令個摩囉酥有畫龍點睛既感覺! 連食乜都話"普通啦"既男友都話好味想食多幾個.奈何我地買得好少咋, 星期一一於去買多幾個去孝敬"我的麻煩男友" !
後記:去呢間舖買野時真係要好有定力架, 事頭婆咁sell得, 佢係咁sell下sell下你就會不自覺下愈買愈多. 好彩樣樣野都幾好食, 買多左至多請下其他人食囉!
仲有, 事頭婆有時都幾大口氣架. 話說我俾錢時問佢可唔可以計平D, 好食既叫多D朋友幫襯. 事頭婆咁答我: 我呢度駛乜人介紹丫, 好食既D人自然會返黎!! 哈, 咁又係呀, 咁好味, 抵你咁大口氣! 最後當然個事頭婆都有計平俾我啦, 哈哈! 加分!!
張貼
