夏雪 (已結業)

食完lunch，想同屋企人搵個地方飲杯咖啡食吓甜品，揸車途經呢間餐廳，附近又有地方泊車，所以就入去試吓啦。一入去就見到聖誕裝飾，都好多客人喺度打卡，牆上掛住嘅應該係寄賣嘅產品。餐廳都幾大，分兩層，裝修好日系，好舒服。餐具同水係自助嘅，擺放得好簡約好整齊。叫咗杯berries smoothie 俾小朋友，酸酸味味又夠凍，佢飲得好開心。老公叫咗杯Dirty，咖啡味好濃郁！佢啲咖啡真係出色，值得買佢啲咖啡豆試吓。除咗飲品，佢嘅甜品都冇得輸，侍應話因為人客都好多選項都冇，所以最後叫咗伯爵茶窩夫，佢嘅窩夫外脆內軟，味道好濃郁，連雪糕都係earl grey味㗎 ！重點係佢嘅價錢好合理，推介！