仁利粥粉麵 (已結業)

我喜歡一個人四週圍找吃，因為我覺得只要肯去搵、細心搵，必定會找到好東西食，哪怕撞幾次板。工作忙到一頭煙，早午不留在店食飯了，出去清清靜靜食一餐，想想怎樣解決麻煩事。身處海防道的我，忽然想食叉蛋飯，就走入去臨時了十多年的臨時食肆找吃，在仁利坐低。同阿叔講要碟叉燒滑蛋飯、凍檸茶，端上台時卻是叉燒煎蛋飯。唔緊要，難理它是滑蛋定煎蛋，好食就行了。先講煎蛋，蛋黃溫度足，同埋蛋黃流入飯，與鼓油撈埋一齊食，雙重口感。如果蛋邊可以煎得脆口一點，我會更加欣賞；叉燒薄切，不會過瘦，件件都保留了一點肥肉，合晒心水，而且叉燒亦唔韌，幾好的；就連最多人忽略的鼓油汁也可，我不知道醬汁是否自家制，但甜甜的味道，與白飯和叉燒都很匹配。凍檸茶偏甜，正是我想要的，若能冰凍一點就仲好。叉燒煎蛋飯是滿意的，但那個阿叔成日吹水話佢同德發係聯營，"昆"人坐低，這點很令我討厭。