百益冰室

營業中

休息中

上個禮拜去食個下午茶，覺得味道唔錯價錢亦都合理，今日經過又入去食下午茶，叫咗迷你福建炒飯，凍檸茶，福建炒飯賣相唔錯，有一隻大蝦，好過落一啲好細隻嘅雪藏蝦，佢有落青豆，但同其他茶餐廳嘅豆唔同，食落都幾好味，我唔鍾意食青豆嘅人都覺得可以接受，其他材料都幾多，個炒飯底都算係合格，唔算特別好食，但係比其他好多茶餐廳都好少少，碟飯份量都夠，有一般嘅午餐8成差唔多，都算好食，凍檸茶都夠大杯，但係就冇乜檸檬味，不過不失普普通通，埋單49文，呢個價錢呢個質素係呢個區都算幾好，服務普普通通，不過出餐好快我上次食同今次食都係落單唔夠五分鐘就有得食，環境都算舒服，衛生亦都幾好，可能係新開嘅關係，應該會再有下次