阿嫲現烤手工蛋糕 (已搬遷) 新店位置

見到全部係讚既食評，又講到金叵羅味咁出色，所以路過就買一個試。古早蛋糕個人認為最重要係蛋香、鬆軟同濕潤度。阿嫲既蛋糕都夠鬆軟既不過無乜蛋香味，響古早蛋糕開到成行成市既情況黎講，佢唔算出色，亦唔會令我好想特意回購，即使我買既係特別口味金叵羅。金叵羅古早蛋糕$80，暫時未見有其他店做呢個味。表面有好似菠蘿包既皮，中間夾住好似鳳梨酥餡既肉同蔴糬，不過係好少好少，味道唔突出。總括黎講係路過又古早蛋糕癮起既可以一試，但唔洗特意去買，亦未去到一試難忘。可以一讚係店主好落力介紹產品，仲話歡迎預訂味道，可以幫你留貨。