阿嫲現烤手工蛋糕 (已搬遷) 新店位置

香港都有手信啦！花生酥十分鬆脆，味道十分濃郁，每一口就像吃了一匙羹花生醬，一試難忘！花生酥中有粒粒花生，又好味又有口感。除了花生酥，還有合桃腰果酥、雪花酥等。真係好想一次過試曬。太子店十分近地鐵站，買蛋糕和花生酥等都十分方便！大盒花生酥$53 小盒花生酥$28————————————————————————太子蛋糕店地址 : 太子砵蘭街456號B座B舖星期一 : 休息 星期二至日 10:30am-7:30pm麵包店“太子本店”地址：九龍太子彌敦道787號地舖 (近太子港鐵E出口)星期一至六 9:30am-8:30pm星期日及公眾假期 10am~8pm麵包店“調景嶺分店”地址：將軍澳調景嶺站都會駅商場L 2-044號舖星期一至五8:30am至9:00pm星期六、日及公眾假期11:30am至8:00pm

有日經過太子，行行下見到呢間面包鋪住面既包竟然好多都係貓貓造型所以好eye catching!由於之前去cafe食唔到貓咪包所以見到呢包即刻買左個選左芝士貓咪包肉眼睇都見到好多芝士粒所以味道方面有好濃既芝士味包既質感鬆軟食得出幾新鮮~配埋咖啡飲好正如果經過會再回購~

🍴餐廳：阿嫲現烤手工蛋糕📍地址：太子砵蘭街456號地下B號舖今日抱住訓左覺既呀女係巴士站等巴士，天氣又熱，上面又有冷氣機滴水，呀女又重，我見仲有成八分鐘先有車，原本諗住入去呢間麵包店涼下冷氣🙈點知入到去真係比佢嘅麵包吸引，全部都係貓貓麵包，價錢仲要唔貴，買咗半份三式芝士貓貓麵包$18，諗住阿女上醒左嗰陣氹下佢開心，貓貓好得意真係估唔到係超好食！成個包有80%都係芝士！真係成本都唔得，唔知店主點做到，重要有包裝又好食，重送左個迷你酥餅添下次再去太子搭巴士，我一定會再幫襯♥️

朋友在網上見到有人推介這兒嘅貓貓麵包，於是就帶我去朝聖一下。一入到去，就見到超多款貓貓放滿架上，例如抹茶紅豆味、朱古力味、地瓜芋頭味等等，看得我倆眼花撩亂呢！我朋友見到抹茶紅豆味有爆多紅豆，就忍不住將其變成囊中物。而我就以賣相行先，選擇了帶黃色型格花紋（應該是蜜糖芝麻味？不太肯定）的麵包（半份$15），還有三色麵包（應該是朱古力、抹茶以及地瓜）（也是半份$15）。麵包質感相當軟身，各種味道並不會太濃郁，家人甚至覺得淡了點，可見麵包用料該不會太肥膩和高卡路里。三色麵包以朱古力味最為突出，令地瓜味和抹茶味被比了下去。半份麵包這個嘗鮮份量價錢合理，論賣相及味道，絕對值得一試。

喜歡這間手做蛋糕店，味道好，最仲要可買半份。今次買了海塩奶蓋（小）原來是一個蛋糕再自行倒上奶蓋及朱古力碎，一打開盒子已聞到香濃的蛋味，再倒上配料，味道及質地也十分美味，亦不會太甜。今次亦有買花生酥補貨，其實上星期已買過，但常常忍不住口很快便吃完了，因為花生酥很酥而且有濃厚的花生香味，令人回味無窮

之前陪朋友搭車，見到「阿嫲」個名吸引咗我！終於忍唔住入去睇睇買咩！？見到啲貓形袋裝麵包幾有趣，雖然價錢有點貴…買了一包來試試。第二日食麵包仍然很鬆軟😋於是再買了濃朱古力麵包和亞麻咖啡做早餐，店員好有禮，仲送咗一粒花生酥畀我😋😋香濃及流心朱古力麵包好好味，就算放三日都一樣好食！而花生酥雖然有點甜，但有好濃花生味！今日又同朋友經過，諗住介紹朋友買花生酥，跟著店員又同我介紹新出果仁酥，佢話無咁甜🤔咁我就買了一罐試。。。嘩！果然唔係好甜，又鬆脆😋好啱我口味👍真係忍唔到口。。。一定會再買！繼續keep住去買早餐😆😆

要左半個草莓味蛋糕 份量都算大 足夠四人分👍🏻食落質地好軟熟 帶點濕潤☺️一啲都唔似往時嘅雞蛋糕咁乾好重蛋香味🥚亦唔會太甜膩草莓味幾特別🍓唔係人造香精草莓味😂仲食到中間有一粒粒草莓籽😬食唔晒放咗落雪櫃雪左一日 口感都仲系好好 唔會雪到乾晒咁👍🏻見到仲有好多其他味都好吸引🤤🤤下次經過太子要再去買黎試！

朋友請了一盒花生酥比我，嘴叼的媽媽一口氣食曬。 我立刻去openrice 找出地址，第二日一早去入貨，再試下其他嘢食。最後，買了幾盒花生酥、20個鳳梨酥、兩盒合桃、4個蛋黃芋蓉酥。我一向都好鐘意食鳳梨酥，各大品牌都食過，一食呢個嫲嫲鳳梨酥，簡直驚為天人！ 酥皮好鬆化！我沒有叮來食，一開即食都有呢個效果，太利害！好多時台灣的酥都要叮番先有鬆化感覺，就咁食，會偏硬。入面真係見到鳳梨的果肉，唔酸但唔過甜，好適中。合桃呢，其實我平時麻麻地喜歡，但聽朋友話好好食，就試兩盒，都係好好食，停唔到😅 早幾日d貨，請了d 比朋友、媽咪食，我打算明天再入d 鳳梨酥，真係好好食！最後要讚下招呼我的老闆（佢好似係阿哥），唔hardsell，講解好清楚，仲叫我叫媽咪唔好一次食太多花生酥😂 仲請了我食另一d 我無買的產品，多謝你❤️

太子地鐵站行多少少距離　系馬路附近就會見到佢地主打手工酥餅同古早味蛋糕酥餅佢地都好出色　買翻啲送朋友做禮真系幾好佢地講到明雞蛋都系用翻日本蛋　用料好實在出爐會散發蛋香　佢地又吾會話有好多味揀每隻味都好吸引　蛋糕都系偏濕潤　食落口吾會好乾身買左士多啤梨同曚茶茶士多啤梨中間系夾住草莓醬　咁每啖都會食到又吾會覺得好甜得滯　整體系剛好淡淡地有草莓香　曚茶茶既茶味吾算太強　吾系個種抹茶同焙茶既感覺系淡香個茶香　系蛋糕面都會鋪翻茶粉整體蛋糕有茶香　麻糬夾系中間　食落就有煙靭口

草莓味手工蛋糕蛋糕出爐時有淡淡的香氣散發店家表示草莓味生產的機會率比較低我二話不說便選購表面有少少格仔紋用草莓果醬混合蛋糕在內已經融合在一起每口都有草莓的味道蛋糕不會很甜　淡淡的草莓甜特濃芝士味我也很推薦

好耐之前唔知去一個咩展覽，無意中食到佢嘅花生酥，一直就念念不忘，今次咁啱經過見到，忍唔住即刻買返一盒食。其實佢嘅保質期就唔長，好似大概兩個星期左右啫，我諗係因為佢都係比較新鮮嘅嘢，所以都唔放得長，不過好坦白講當你開咗之後，你會忍唔住每次食好多，所以真係要忍手。花生酥入口超級無敵鬆化，入口即化，花生味超級濃，味道又唔算甜，食落有少少漿口，一盒一共有16粒，50幾蚊嘅價錢好食得過。佢另外既琥珀合桃都幾好食，有興趣都可以試吓。

這個花生酥是在一間古早蛋糕店附帶產品。但花生酥內藏自家製花生醬， 包裝以玻璃樽盛裝已非常吸睛，而且每粒都有超濃嘅花生醬味，仲有少許花生粒，又唔會太甜，入口鬆化。味道完全不比古早蛋糕遜色。

🤰🏻自從周街都開滿古早味蛋糕舖頭，我就很少再買古早蛋糕了，主要係覺得開始濫同唔矜貴。但今日弟婦帶咗兩個香噴噴嘅古早味蛋糕🍰嚟（金菠蘿同肉鬆），當然要品嘗一下啦。弟婦話哩間舖頭好出名，除咗古早蛋糕外，其他糕點糖餅都好好食。🥢 好，試吓金菠蘿🍍味先。一切開就知龍與鳳，嘩！真材實料有保證！中間夾有一層鳳梨絲，最正嘅係佢有一層薄薄嘅麻薯。蛋糕食落口感細滑濕潤，好似海綿🧽咁軟綿綿（無牙🦷都食到），蛋味仲好香濃㖭。中間一絲絲嘅鳳梨蓉都好香甜好新鮮，麻薯增加咗蛋糕嘅層次，食落好煙靭得意🤤🥢 肉鬆味又如何呢？第一啖食落去嘅時候，覺得甜中帶咸有啲怪，不過食多兩啖之後又開始覺得肉鬆同蛋糕都幾夾，愈食愈欣賞呀。肉鬆好香唔會乾，帶有少少🤏🏽烤焗味好正，而蛋糕嘅口感就同金菠蘿味無乜大分別。佢仲有好多款唔同味，下次想試伯爵茶🍵、椰香班蘭🥥或者海鹽布朗尼🍫。

今日番到屋企，屋企人買左盒古早味蛋糕翻黎一齊開心share，都好耐無食過古早味蛋糕lu, 呢間聽過個名，都好似幾出名嫁伯爵茶味食落未有好出既伯爵茶味，食到尾慢慢先會出，蛋香味都無乜，但蛋糕口感好鬆軟合桃咖啡味呢款就都係行清淡少少既路線，咖啡味都係慢慢滲出嚟，面頭有啲合桃增加左蛋糕口感，個咖啡味再濃啲就好了整體來講呢間蛋糕店主打應該輕盈嘅路線，都係比較少甜清淡啲，如果有多啲蛋香味就更加好啦

昨天行過太子，途經這間小店，店前有些人聚購物，媽媽駐足觀看了解，我就被大玻璃後的蛋糕吸引，終於買了三種口味～布朗尼，凰梨和斑蘭，每款半個。我相信斑蘭味較清淡，買來送給長者鄰居。布朗尼朱古力是二仔最愛，所以留返自己。凰梨打算帶返教會請人食。布朗尼外表吸引，蛋糕面佈滿碎碎 dark chocolate, 切下一片品嚐，wow,裡面蛋糕綿密，底層布朗尼真材實料，非常好味凰梨也是水準之作，凰梨蓉香甜可口，還食得到一絲絲，覺得自己好識㨂店主還給我兩個花生酥試食裝，試過後，花生酥是我下次的必買之列最後一提，店主是兩表兄弟，年青人熱誠有禮，又勇於花心思及嘗試去克服製作上的難題，出品有水準，好值得支持