魚米 (彩雲商場)

營業中

休息中

今晚屋企無煮飯，經外賣app叫咗魚米食。Order咗個鮮魚湯五福臨門米線，湯底呈乳白色，飲落鮮甜，不過魚味唔突出，同屋企煲嘅新鮮魚湯比較始終有段距離。米線軟滑，不過都唔會太淋。配料好足料，有魚蛋、魚片、貢丸、肉燕餃同腐皮魚角，味道正常。另加嘅柱侯牛腩同腐皮墨魚卷就頗有驚喜，牛腩炆得好淋，牛味濃重，肉質鬆軟，牛筋又有咬口，口感豐富。腐皮墨魚卷新鮮有墨魚香，咬落有彈性。另外叫咗個小食香茅雞翼，總共有四隻，雞翼外皮香脆，肉質嫩滑，不過略嫌淡味咗啲。個人覺得呢間米線合格，不過就唔算高分。