蒸廬 (已結業)

自從無返舊公司，就已經好少返來紅磡！今日返左離去試一間點心！約埋一個中學同學一齊去試！雖然點心即叫即蒸，不過有部份點心令人跌眼鏡。蝦餃除咗塊皮會好容易痴住對筷子之外，塊皮唔會好厚，而且都算足料嘅。味道亦適中！鳳爪就夠林既，個醬汁唔會好鹹，但個味道真係好怪。配上左南瓜！變咗有南瓜味，可能自己唔係太啱隻味。色水就不過不失啦！都可以話勉強合格。牛柏葉我覺得係最好食嘅，如果可以細塊啲嘅話咁就Very Good 啦！佢嘅味道鹹味適中，又香！個汁就唔會太肥個芝麻包都可以合格，個包實心嘅！只係甜咗少少！如果冇咁甜咁就very good！金錢肚係最失望嘅，硬到咬唔到好似橡筋咁！醬汁就真係麻麻地！唔夠入味！我比佢唔合格服務態度良好，會留意客人有冇足夠嘅茶水。主動過嚟添加！價錢稍為偏貴！