必勝客

營業中

休息中

十二點三左右入坐，因為岩岩開鋪所以得一個staff，我就自己走左入去坐，會黎食既原因係Pizza Hut既中午學生餐有學生證就食得，比正常午餐平一截，係經濟之選。學生午餐既選擇都幾多，我就揀左焗肉醬意粉，包一杯汽水，可添飲一杯，無得再無限添飲，雖然都飲唔落，再加左六蚊要碗蘑菇忌廉雞粒湯。個湯黎左先，幾濃味，都幾多蘑菇粒同雞粒，六粒黎講都算抵。肉醬意粉好快就上桌，上黎仲係熱辣辣，整體都唔錯，但略嫌意粉有d漲，同埋肉醬多過頭，但以39蚊黎講，都合格有餘了。