孖寶去骨海南雞 (又新街)

營業中

休息中

叫左個招牌海南雞米線（中）（+$3轉米線）（$48）雞就一半胸一半髀位，佢係全熟，唔會仲有啲血水咁樣，同時肉質唔算好鞋，雞胸肉都食得落口，髀位就幾滑，啱我個人口味，但如果鍾意食嫩滑口感就會失望。食海南雞個汁都好重要，佢有薑油、辣醬同醬油，三隻都夠濃味！另外中size 雞同粉既份量都偏細，正常食量應該唔會飽。欣賞佢淥粉會加幾條生菜，都幾新鮮，仲送左碗好足料既蘋果雞腳湯，碗湯好好飲，仲滿滿湯渣，所以雖然個海南雞粉份量好細，有菜有湯成件事豐富左，加上整體味道正正常常，待應姐姐都好有禮貌，性價比還好。