影片
更多
2011-10-07
5 瀏覽
臨瞓前同班friend約定，第日起身食完個下午茶繼續出去唱k，上網睇睇下原來openrice而家有得上網book位，好方便!! 成零晨5點幾都可以book到位，勁!!今次去附近間酒店食tea buffet，主題係吉列buffet，一入到去就見到我最鐘意食既吉列黃梅占包，咬落外皮好脆，內裡麵包軟綿，仲有酸酸地黃梅果jam，超好味，食左成4-5粒!!仲有幾款吉列主打既食物，例如: 吉列豬扒 – 味道唔錯，肉質都算滑； 脆漿炸南瓜 – 味道一般，內裡南瓜較粉身，可能我本身都不太食南瓜既關係；椒鹽雞翼 – 很入味，炸得唔乾身，內裡仍然保持有肉汁。除左吉列既食物外，仲有其他食物選擇，例如: 即場整窩夫、班戟等，好好玩又好好味，兩部窩夫、班戟機既隔離就係雪糕櫃，可以自製窩夫加雪糕，雪糕有好多味道選擇，例如:士多啤梨、芝麻、朱古力等等。今次呢個tea buffet最好就係價錢吸引，每人大約一百元，環境又好靚，我地坐個位都近buffet區，所有野都唔差，可以去試下!!
臨瞓前同班friend約定，第日起身食完個下午茶繼續出去唱k，上網睇睇下原來openrice而家有得上網book位，好方便!! 成零晨5點幾都可以book到位，勁!!
今次去附近間酒店食tea buffet，主題係吉列buffet，一入到去就見到我最鐘意食既吉列黃梅占包，咬落外皮好脆，內裡麵包軟綿，仲有酸酸地黃梅果jam，超好味，食左成4-5粒!!
仲有幾款吉列主打既食物，例如: 吉列豬扒 – 味道唔錯，肉質都算滑； 脆漿炸南瓜 – 味道一般，內裡南瓜較粉身，可能我本身都不太食南瓜既關係；椒鹽雞翼 – 很入味，炸得唔乾身，內裡仍然保持有肉汁。
除左吉列既食物外，仲有其他食物選擇，例如: 即場整窩夫、班戟等，好好玩又好好味，兩部窩夫、班戟機既隔離就係雪糕櫃，可以自製窩夫加雪糕，雪糕有好多味道選擇，例如:士多啤梨、芝麻、朱古力等等。
今次呢個tea buffet最好就係價錢吸引，每人大約一百元，環境又好靚，我地坐個位都近buffet區，所有野都唔差，可以去試下!!
張貼
