影片
更多
2021-05-13
2451 瀏覽
繼台灣、韓國之後，最近非常人氣嘅日本過江龍炸牛扒專門店「牛カツ京都勝牛」喺今年二月終於登陸香港，選址銅鑼灣Tower 503地庫，而第二間分店都係最近登陸左將軍澳，將軍澳店更會有新款式登場。要數喺日本必食嘅嘢食，吉列牛絕對係近年來嘅人氣之選，呢間京都勝牛係一間喺日本好受歡迎嘅吉列牛專門店，由2014年喺日本關西京都站前開店之後，即刻成為日本Twitter熱門搜尋榜第一位，之後好短時間內喺日本開設20間分店，甚至擴展到全球，好似加拿大、韓國、台灣，短短七年係全球開設超過60間分店。餐廳主打各個部位嘅吉列牛，牛肉都係選用美國同紐澳牛肉，配搭自家調配粉漿，台灣有供應鐵板牛，不過見到香港分店暫時就未有。除左招牌吉列牛外，店內仲有和牛丼、鍋膳、炸豬排、海老豬扒等炸物或者海外限定款式嘅菜式好似三文魚柳。-1️⃣ 京都勝牛三味套餐 💰218（👅: 8.5/10）套餐可以一次品嚐炸翼板、厚切菲力同薄片醬味牛，呢款係日本店都係人氣款式，唔知係咪我去嗰時係開業冇耐，所有好多嘢都係有待改善，套餐上枱之後店員冇講解邊樣打邊樣，亦都冇放牌係牛上面，要事後問店員先知。香港店所有吉列牛排都係沿用總店做法、牛種及部位，裹
繼台灣、韓國之後，最近非常人氣嘅日本過江龍炸牛扒專門店「牛カツ京都勝牛」喺今年二月終於登陸香港，選址銅鑼灣Tower 503地庫，而第二間分店都係最近登陸左將軍澳，將軍澳店更會有新款式登場。
要數喺日本必食嘅嘢食，吉列牛絕對係近年來嘅人氣之選，呢間京都勝牛係一間喺日本好受歡迎嘅吉列牛專門店，由2014年喺日本關西京都站前開店之後，即刻成為日本Twitter熱門搜尋榜第一位，之後好短時間內喺日本開設20間分店，甚至擴展到全球，好似加拿大、韓國、台灣，短短七年係全球開設超過60間分店。
餐廳主打各個部位嘅吉列牛，牛肉都係選用美國同紐澳牛肉，配搭自家調配粉漿，
台灣有供應鐵板牛，不過見到香港分店暫時就未有。除左招牌吉列牛外，店內仲有和牛丼、鍋膳、炸豬排、海老豬扒等炸物或者海外限定款式嘅菜式好似三文魚柳。
-
1️⃣ 京都勝牛三味套餐 💰218（👅: 8.5/10）
套餐可以一次品嚐炸翼板、厚切菲力同薄片醬味牛，呢款係日本店都係人氣款式，唔知係咪我去嗰時係開業冇耐，所有好多嘢都係有待改善，套餐上枱之後店員冇講解邊樣打邊樣，亦都冇放牌係牛上面，要事後問店員先知。
京都勝牛三味套餐
$218
21 瀏覽
1 讚好
0 留言
香港店所有吉列牛排都係沿用總店做法、牛種及部位，裹漿用日本技術乾麵包糠、麵粉、雞蛋製作，而且按照指定黃金比例調配，吉列牛用190度的高溫快炸60秒，上枱時係三分熟，所以可以睇到外皮入面既牛排都係紅紅地色，每枱會供應一個小烤爐，食客可以自行加熱至自己岩既熟度，指示係大概煎10秒左右就會變成medium rare既狀態，不過吉列牛本本身唔算熱，加熱左都唔會熱辣辣。
京都勝牛三味套餐
$218
30 瀏覽
1 讚好
0 留言
京都勝牛三味套餐
$218
22 瀏覽
1 讚好
0 留言
香港同日本唔同既係香港唔係用日本牛肉，而係用澳洲同美國牛肉。牛扒入面透紅，炸衣金黃，食落酥脆唔會話好易同肉分離，入口唔算油膩。
菲力食落係三個當中牛肉味最突出，因為佢係後腰內肉，肉質偏瘦但咬落都算軟腍食落油脂豐富，咬落肉汁JUICY;而翼板姐係日本菜單上「羽下」部位，係牛肩較軟既位置既，肉味比起菲力會無咁重，但佢係口感最好，肉質軟得黎帶小小筋有嚼勁，肉汁都鎖左係入面，而且帶油香，有小小入口即化既感覺;而薄片醬味牛係用菲力配上自家調製醬汁，個人覺得佢比起其他兩個較熟，二黎自家調製醬汁偏甜，甜到蓋過左牛既味道。
整體牛肉唔會話有太多筋咬唔開，有牛牛味濃郁啲，有牛肉質腍啲。試哂三種牛覺得翼板係最好食，如果單點就即係佢地既元祖炸牛排套餐，因為牛好睇個人口味，有人鍾意食牛味重有人鍾意腍身，我覺得翼板既口感滿足到我，其次係菲力，之後係薄片醬味牛。
而醬料有提供山椒鹽、牛扒汁、鰹魚昆布汁、咖喱醬、Wasabi，另外可加$15配溫泉蛋，為保持質素，所有醬汁都係由日本直送。山椒鹽食落有小小辣，可以突出牛肉既鮮味。牛扒汁食落就重味啲，令牛更加濃郁惹味。鰹魚昆布汁唔會好鹹，味道淡小小，就算加Wasabi食都唔會蓋過牛肉既味。咖喱醬略嫌有D鹹，加牛會蓋過牛味，但送飯就絕對無問題。個人覺得同牛扒最襯既係牛扒汁同山椒鹽。
京都勝牛三味套餐
$218
12 瀏覽
1 讚好
0 留言
呢個套餐包左一碗飯、麵豉湯、沙律、漬物。飯係一般麥飯，食落腍身黏口飯係一般麥飯，食落腍身黏口。麵豉湯飲落唔算鹹，飲完唔會口渴。
沙律幾新鮮，可以加柚子醋或麻醬，幾開胃，加醋感覺比較清新同解膩。漬物食落都係酸酸甜甜，開胃菜。另外一提呢度既麵豉湯、沙律、飯都係可以無限追加，所以大食既人只要叫套餐就一定食得飽。
-
2️⃣ 東京風牛排鍋膳套餐 💰138（👅: 8.5/10）
東京風牛排鍋膳套餐
$138
16 瀏覽
1 讚好
0 留言
原本見到餐牌有澳洲極上和牛，但問完店員話冇，但幫襯個時其實人流唔多，所以諗緊係咪啱啱開舖所以貨源未穩定而無，最後就叫咗呢個係日本好常見嘅鍋膳套餐。
上枱時係用熱鍋上，温度足夠。牛排用上牛肩胛芯，配上特製蛋汁同洋蔥醬。牛扒加上滑蛋，食落有小小似親子丼，香港說法係滑蛋牛排，平時見日式滑蛋豬扒多，配牛係比較少見，牛肩胛芯炸過再加上醬汁同煮，入口爽腍，油花均勻細緻
，滑蛋令到牛扒唔會太乾身，味道上都同蛋好夾，唔會話太過鹹。而蛋食落夠滑，會食落甜豉油嘅味道，牛排同蛋既鹹香味送飯一流，鍋底有半熟既滑蛋，不過耐左啲蛋都會熟返。總結係鍾意鹹甜味道、送飯既你會好鍾意，個人覺得比起京都勝牛三味套餐更出色。
-
3️⃣ 日本清酒豆腐雪糕 💰58（👅: 7.0/10）
日本清酒豆腐雪糕
$58
28 瀏覽
1 讚好
0 留言
豆腐雪糕豆腐味足夠，但食完完全唔覺得有清酒味，淨係食到豆腐味而唔係酒香，感覺有小小比人呃左咁，但豆腐雪糕有加上黃豆粉脆脆食落口感唔錯。
-
4️⃣ 麻糬雪糕糯米滋 💰58（👅: 8/10）
麻糬雪糕糯米滋
$58
10 瀏覽
1 讚好
0 留言
唔係得外表好睇，外層係煙靭既抹茶麻糬皮，入面係包著抹茶同雲呢拿雪糕，麻糬皮食落夠煙韌，抹茶同雲呢拿味唔算好甜但夠味，抹茶雪糕香甜回甘。
麻糬雪糕糯米滋
$58
22 瀏覽
2 讚好
0 留言
-
🌟食完呢間過江龍既結論係如果要排隊就唔會食，會揀隔離間段純貞，而如果再食既話唔會揀京都勝牛三味套餐，因為試過哂覺得冀板係最好食，直接叫冀板套餐性價比會高啲，同埋會想試佢個澳洲極上和牛。不過牛肉整體唔會話有好多大驚喜，始終香港同日本本店水準係有一段距離，而且唔係用日本和牛，口感同味道唔會令到人有好大驚喜。
-
👅味道: 8/10
🍴環境: 7/10
💰消費: $472 (服務費: 10%)
張貼
