影片
更多
2024-01-02
125 瀏覽
聖誕節正日，今晚去左銅鑼灣回味一間好奈之前食過一次既餐廳，吉列牛忌廉烏冬專門店。咁奈冇黎食，餐廳既setting都係好似之前咁。而重點既味道，亦都保持到之前既水準。我地叫左吉列牛忌廉烏冬set同一碟雞軟骨餃子。忌廉咖哩烏冬，我地揀左配雞肉雖然唔係第一次食，但見到一碗白雪雪，睇落好似軟雪糕咁既咖哩烏冬上枱，依然係會覺得呢個造型好有創意🥰而碗烏冬都唔止睇落似雪糕咁簡單，忌廉香滑、咖哩香濃、烏冬滑溜又煙韌，口感既配搭係好perfect。配料除左雞肉、洋蔥，仲有一塊塊好爽脆，口感好似牛蒡但又唔係牛蒡既厚切片🤭🤭佢地既咖哩係日式咖哩，味道甜辣，雖然比一般既日式咖哩辣，但係味道同口感係做得相當唔錯。吉列牛定食成個set有齊湯、前菜沙律同飯。當然都唔少得煎吉列牛既牛油同醬，沾吉列牛既醬同汁🤭吉列牛長長一塊，切開有成十二件。吉列皮炸得酥脆，牛肉就當然未熟，因為仲要用鐵板煎熟鐵板用酒精燃料加熱，火力比蠟燭猛好多，真係有做到煎肉既效果😆自己煎肉，生熟程度自己控制，而無論煎到三、五、七定十成熟，都唔會影響到吉列皮帶黎既酥脆口感牛肉有牛香，除左煎既時間可以用黑松露牛油增香，仲可以沾埋wasabi、wasabi
咁奈冇黎食，餐廳既setting都係好似之前咁。而重點既味道，亦都保持到之前既水準。我地叫左吉列牛忌廉烏冬set同一碟雞軟骨餃子。
忌廉咖哩烏冬，我地揀左配雞肉
雖然唔係第一次食，但見到一碗白雪雪，睇落好似軟雪糕咁既咖哩烏冬上枱，依然係會覺得呢個造型好有創意🥰
而碗烏冬都唔止睇落似雪糕咁簡單，忌廉香滑、咖哩香濃、烏冬滑溜又煙韌，口感既配搭係好perfect。配料除左雞肉、洋蔥，仲有一塊塊好爽脆，口感好似牛蒡但又唔係牛蒡既厚切片🤭🤭
佢地既咖哩係日式咖哩，味道甜辣，雖然比一般既日式咖哩辣，但係味道同口感係做得相當唔錯。
吉列牛定食
成個set有齊湯、前菜沙律同飯。當然都唔少得煎吉列牛既牛油同醬，沾吉列牛既醬同汁🤭
吉列牛長長一塊，切開有成十二件。吉列皮炸得酥脆，牛肉就當然未熟，因為仲要用鐵板煎熟
鐵板用酒精燃料加熱，火力比蠟燭猛好多，真係有做到煎肉既效果😆
自己煎肉，生熟程度自己控制，而無論煎到三、五、七定十成熟，都唔會影響到吉列皮帶黎既酥脆口感
牛肉有牛香，除左煎既時間可以用黑松露牛油增香，仲可以沾埋wasabi、wasabi沙律醬等等
雞軟骨餃子
餃子size唔細，外皮煎得香脆。內餡唔少，除左有雞肉餡，仲有雞軟骨碎，令餃子有更加豐富既口感。
跟餐仲有兩樣野飲，我地揀左一罐coke zero，另外加錢叫左一杯抹茶Latte。抹茶Latte都幾大杯，有抹茶味又唔會太甜，加埋cream，又香甜又滑。
多人開始食吉列牛，餐廳既油煙味都開始勁，不過咁樣就證明佢個爐仔既火力夠勁。而佢地呢個set其實做聖誕都唔錯。忌廉烏冬白雪雪襯聖誕節，但下面既咖哩又會暖身。吉列牛香口，又有食牛扒既少少豪華感。今餐食得滿足，希望佢地可以一路keep到個水準。
張貼
