香港餐室 (已結業)

又同老公覓食 不過晏左少少 竟然都俾我地睇到有tea!! 2-7pm 真係好難得！ 二話不說即刻入去食選擇都幾多 有小食類 又有飽肚類老公叫左個焗豬飯 $36一啲都唔欺場！呢個價錢有熱辣辣既焗飯👍🏻👍🏻仲有大大啖豬扒 茄味都幾濃！我就叫左吉豬改配沙律 $33一上碟時望到塊吉豬顏色好似麻麻地 以為唔好食 點知食落原來好唔錯！炸粉唔算多 裡面食到真係豬扒 (出面好多都炸到食緊咩都唔知😂) 雖然唔係太厚 但勝在夠大塊😋沙律就真係全部罐頭 建議加翻少少鮮果會比較好奶茶用經典杯 味道正常