吉豚屋吉列豬扒專門店

營業中

休息中

吉豚屋係好耐以前係油麻地分店食過，當時覺得性格比高，吉列豬扒又juicy，事隔幾年，分店越開越多，但味道就每況越下。咖喱吉列豬扒飯 ($75)呢個價錢但係快餐質素，咖喱汁係濃既，但成碟野一啲配菜都冇，茶餐廳平得黎可能都啲薯仔配菜。仲吉列豬仲要係相當普通，炸粉偏厚，肉都唔嫩唔juicy既，呢個飯相當一般。泡菜鍋烏冬配吉列豬扒 ($75)個泡菜鍋烏冬都幾惹味，泡菜味幾濃，不過吉列豬扒相當硬，炸粉又厚，都係麻麻地。至於店內衛生我覺得麻麻，首先坐低見到有啲烏蠅，同埋員工擺低既水都有小小混濁，只可以講以呢個價錢，我下次一定會選擇其他餐廳。