影片
更多
2016-05-25
1189 瀏覽
雖然小弟唔喺咩吉蒂粉絲，但亦唔抗拒依一主題餐廳，不過，老友夏總嘅太太就喺佢嘅多年死粉，幸而據我所知就唔喺瘋狂嗰隻。再者，睇過啲食評，知道依度唔喺賣萌、賣可愛嘅地方，相約佢哋嚟當飲餐茶而已 。之前見啲食評話時刻都有長長人龍，唔知喺我哋好彩定嚟得早，雖然早已訂咗枱，嚟到卻又唔喺太多人，等5min就有張小圓枱。不過，星期日嘅午市，大部份時間都滿座，一枱客接一枱客 ！因為喺賣中菜關係，所以，裝修上都帶有古色古香嘅格調，當然，吉蒂始終喺主角，所以，餐廳內周圍都見到佢，杯杯碟碟、茶壺、餐枱面、吊燈、水墨掛畫、牆身……，梗有一個（標誌）晌左近 。平常晌餐廳左影右影，可能會有少少礙眼，不過，晌度就絕唔使擔心，因為人人都會周圍影。就好似近水吧位咁，更有一個小孩高度嘅吉蒂公仔，喺好多小朋友走埋去嘅影相位。餐牌似喺有兩組，一組喺恆常嘅主餐牌，類別包括：Hello Kitty手工美點、精美甜品、炒粉飯麵、小食、名廚小菜、海鮮及蔬菜類。順帶一提，茶介每位$12，另收加一。另一組應該喺久唔久會轉變嘅限定餐牌，今次見到多種新款點心、復活節特色小食（但過咗復活節好耐，唔知依家仲有無）、最新小菜及飯類、新款甜品。
之前見啲食評話時刻都有長長人龍，唔知喺我哋好彩定嚟得早，雖然早已訂咗枱，嚟到卻又唔喺太多人，等5min就有張小圓枱。不過，星期日嘅午市，大部份時間都滿座，一枱客接一枱客 ！
因為喺賣中菜關係，所以，裝修上都帶有古色古香嘅格調，當然，吉蒂始終喺主角，所以，餐廳內周圍都見到佢，杯杯碟碟、茶壺、餐枱面、吊燈、水墨掛畫、牆身……，梗有一個（標誌）晌左近 。
平常晌餐廳左影右影，可能會有少少礙眼，不過，晌度就絕唔使擔心，因為人人都會周圍影。就好似近水吧位咁，更有一個小孩高度嘅吉蒂公仔，喺好多小朋友走埋去嘅影相位。
餐牌似喺有兩組，一組喺恆常嘅主餐牌，類別包括：Hello Kitty手工美點、精美甜品、炒粉飯麵、小食、名廚小菜、海鮮及蔬菜類。順帶一提，茶介每位$12，另收加一。
另一組應該喺久唔久會轉變嘅限定餐牌，今次見到多種新款點心、復活節特色小食（但過咗復活節好耐，唔知依家仲有無）、最新小菜及飯類、新款甜品。
我哋嚟得依度食，都算喺貪得意，所以一般小炒就唔喺考慮之列，而主攻嘅喺搵吉蒂拋頭露面嘅點心。一口氣嗌咗6款點心，再加一客粉麵飯，唔夠先再加單 。
Hello Kitty 流沙包 $62 有無發覺流沙包跟菜肉包個外形好似呢？簡直喺孖生一樣，究竟佢哋點分而唔會拎錯俾個客呢？我哋對照研究一下，分別在於流沙包隻蝴蝶結多咗一點黃色。外形就做得夠神似喇，但有無應有嘅流沙包水準先？哎開一口，雖然啲鹹蛋黃吉士流沙餡唔喺話好澎湃，但亦都緩緩流出，包身軟綿，可以收貨。
Hello Kitty 蝦餃皇 $68 因為要做成Hello Kitty樣，所以，餃皮嘅收口晌底下，加上餃皮搓得有些微厚，口感差少少，幸而皮軟唔黏牙，又塞滿蝦肉，又鮮甜彈牙；成籠蝦餃皇只有一隻做成「貓樣」，其他3集就傳統摺法加隻紅色蝴蝶結而已。
Hello Kitty 千層糕 $68 熱辣辣嘅千層糕上枱時幾有蛋香，加上整件糕以「貓模」嚟做，保持着可愛度。糕身做得鬆軟有回彈力，中間層鹹蛋黃蓉引出鹹香味，不過，要挑剔就肯定喺個名，因為只有兩層，用上「千層」變得有點名不副實啫。
Hello Mimmy 菜苖餃 $62 初頭點菜都無為意，硬喺覺得依個吉蒂好似怪怪哋，經提點佢唔喺吉蒂，而喺Hello Mimmy，即喺雙胞胎嘅妹妹，怪唔得似得嚟又似唔晒咁啦！不過，佢身價要比家姐貴，因一客只得3件。餡心除有菜苗，少少豬肉外，仲混有鮮蝦肉，所以，清爽而有菜香，好食 。
Hello Kitty 臘腸卷 $48 臘腸卷好耐無食過，時下亦唔喺間間酒樓都有做，加上晌餐牌見到個賣相好搞嘢，好似捲住棉被嘅吉蒂，所以，點一客試試效果。咬一口，卷身好軟熟，啲臘腸唔肥，亦唔太瘦，油潤「脂」味 。
Hello Kitty 菜肉包 $62 另一款做得最似模似樣嘅包點，以上都分享過佢啲包點，整體的確唔錯，而依個菜肉包則一般般，主因喺菜嘅份量少，豬肉較多，亦有唔少肥肉，感覺油膩咗少少。
Hello Kitty 瑤柱蛋白燴飯 $138 新菜式中有依一道「燴」飯，怪自己無留意個中文譯名，查實喺瑤柱蛋白「炒」飯，配個粟米汁，所以，建議佢哋盡快改番叫炒飯好啲，避免有咩爭議。而個炒飯本身都炒得幾好，夠爽身，內裡有唔少蛋白，瑤柱絲就略為少啲，至於個「貓樣」就勉勉強強啦 。
Hello Kitty芒果布甸 $58 本來喺點咗新甜品嘅雙層椰汁紅豆糕，不過，紅豆糕部份食落似乎有啲問題，跟店員講，二話不說即時更換，但我哋就改試芒果布甸。上層喺芒果啫喱夾雜果肉，下層喺芒果布甸，內裡有唔少芒果肉，清甜好食；不過，啫喱面上嘅Hello Kitty朱古力就嚟得有啲唔襯，再者，$58一客布甸俾人有種搶搶哋錢嘅感覺 。
多款點心嘅賣相，確喺營造出吉蒂嘅可愛樣，味道亦都不俗，不過，比坊間一般酒家嘅定價貴，可能，成本就喺晌個俏象權度。作為粉絲相信會繼續支持，至於，餐廳能否吸納更多非粉絲嘅客源，就要睇睇價錢有無一個下調嘅空間，以及食物能否保持晌一個高水平嘅質素。
張貼
