益民茶樓

營業中

休息中

唔知大家有冇聽過吉澳呢個地方？😝呢度係香港嘅一個離島 位於東北面印洲塘之內🏝️屬於世界地質公園裡的景點呢日我地去左一日遊 順便試下個度唯一一間餐廳益民茶樓🥢.益民茶樓好有歷史 從餐廳有塊板介紹吉澳嘅故事因為我地行完山先食飯 所以有啲餸已經賣晒🤯我地覺得食碟頭飯最抵仲可以自選跟飯🍚定公仔麵🍜.🌟客家炆豬肉梅菜豬肉同平時食到嘅有少少唔同🐖覺得多左陣陳皮味豬肉非常腍同入味就算有邪惡嘅脂肪都忍唔住要食埋先夠原汁原味🤤.🌟招牌墨魚丸墨魚丸係呢度嘅招牌菜🦑真材實料 非常彈牙同實淨 必食之選👍.🌟白切雞白切雞雞肉嫩滑 份量十足🐓.🌟自家製涼茶當日剩返雞骨草 成枝雪到冰🧊 啱晒夏天飲 非常涼快