影片
更多
2011-10-20
318 瀏覽
師傅好似好耐都冇同外星人食過午餐, 於是就相約外星人於某星期六飯局! 起初師傅就叫外星人諗下去邊到食, 皆因外星人好鬼多野唔食, 點知外星人嘅進度緩慢, 唔嗲唔吊咁, 於是師傅按耐不住決定自己揸莊, 只係問左外星人對吉烈豬扒點睇, 殊不知外星人勁鍾意, 於是師傅決定揀呢間食店作為當日嘅午餐!為免到時要做啲無聊事情, 就係輪候等位, 於是師傅決定至電留座! 當日準時去到, 人未算多, 報上名來後, 知客就帶師傅入座, 而外星人當然係未到啦; 於是就睇下餐牌有甚麼吸引, 有甚麼推介, 睇左一輪後師傅仍然係冇咩心水, 到外星人到後又再商量下, 點知外星人真係有嚴重嘅選擇困難症, 揀好耐都揀唔到! 最後要師傅比多啲意見, 外星人先能揀去勝博殿套餐, 鬼咩, 勝博殿套餐可以一次過滿足佢貪心嘅慾望; 相反師傅就維持一向嘅專一, 只係揀左炸豬柳套餐, 再外加一客炸廣島蠔! 套餐有前菜, 麵豉湯, 椰菜絲同白飯! 至於勝博殿套餐有啲咩呢? 就有炸蝦一隻, 一口炸豬柳, 忌廉蟹肉卷同埋炸豬柳!落完單吹下水, 又磨下芝麻, 不經不覺食物就放左喺面前! 謝主隆恩後, 隨即開餐, 師傅第一時間先試下椰菜絲,
為免到時要做啲無聊事情, 就係輪候等位, 於是師傅決定至電留座! 當日準時去到, 人未算多, 報上名來後, 知客就帶師傅入座, 而外星人當然係未到啦; 於是就睇下餐牌有甚麼吸引, 有甚麼推介, 睇左一輪後師傅仍然係冇咩心水, 到外星人到後又再商量下, 點知外星人真係有嚴重嘅選擇困難症, 揀好耐都揀唔到!
最後要師傅比多啲意見, 外星人先能揀去勝博殿套餐, 鬼咩, 勝博殿套餐可以一次過滿足佢貪心嘅慾望; 相反師傅就維持一向嘅專一, 只係揀左炸豬柳套餐, 再外加一客炸廣島蠔! 套餐有前菜, 麵豉湯, 椰菜絲同白飯! 至於勝博殿套餐有啲咩呢? 就有炸蝦一隻, 一口炸豬柳, 忌廉蟹肉卷同埋炸豬柳!
落完單吹下水, 又磨下芝麻, 不經不覺食物就放左喺面前! 謝主隆恩後, 隨即開餐, 師傅第一時間先試下椰菜絲, 椰菜絲係有兩款醬汁可供配搭, 芝麻汁和柚子汁, 兩款汁師傅都有試過, 芝麻汁夠香, 香而不膩口, 配上椰菜絲清新爽口, 感覺不錯; 柚子汁味道比較酸, 酸的主要目的係想令人開胃, 不過師傅反而覺覺酸得過了頭, 相反地達唔到呢個效果, 兩款醬汁師傅較為欣賞芝麻汁!食左椰菜絲後, 師傅隨即對炸蠔展開攻勢, 炸蠔唔算好大隻, 不過入口勁新鮮, 蠔身夠肥美, 整體算係不錯, 可惜在於炸粉略厚, 口感驟降, 呢個位會扣少少分! 到主菜炸豬柳, 豬柳本身肉質幾香, 肉身鬆軟, 豬柳裡面有肉汁, 唔乾身時亦唔鞋口, 不錯; 但師傅略嫌用黎點豬柳嘅豬扒汁味道濃, 較為咸, 就算豬柳唔點汁水準亦係不錯的! 至於外星人的評語係忌廉蟹肉卷嘅蟹肉較少, 忌廉就多亦較為膩和滯, 其他的亦算不錯!
總括黎講食物質素甚佳, 環境舒服, 服務態度友善, 不過伙計唔會太自動地加菜和添茶, 如果可以稍為收善相信會更好; 價錢都合理, 百六七蚊一個餐, 埋單連加一連貼士, 剛好係穿梭機價錢, 每人兩舊水食個晏唔算平, 不過咁多野食同有咁嘅質素都絕對接受到! 師傅好耐都冇試過用咁貴的價錢黎食午餐, 仲要係吉烈, 不過是次仍覺得值得, 所以笑臉會比, 再黎與否, 一必還看師傅心情!
張貼
