影片
更多
2018-02-27
190 瀏覽
小妹食吉野家，通常都係匆匆食個快飯，醫飽個肚就算，啲牛肉飯、雞飯、野菜飯、三文魚飯係咩味，我真係唔知，因為食快餐就係要快，話之佢咩味！不過原來吉野家都有值得慢慢歎嘅美食，自從佢推出高質鰻魚飯之後，進入寒冷冬日，竟然推出「波士頓龍蝦火鍋」，實行食得招積，歎得高質。不過話晒係快餐出品，質素又如何？小妹試食完同大家匯報一下！話說小妹同朋友特登約埋去試食，個餐一到，小妹即刻心心眼，因為真係大大隻波士頓龍蝦喺眼前呀！仲要大過同長過隻手掌，小妹即刻磨拳擦掌準備開餐。點知打開隻龍蝦一睇，竟然係冇橙色膏嘅，我忍唔住望吓隔離嗰枱一家三口，佢哋都係嗌龍蝦，但佢哋嗰隻有大大嚿橙色膏喺入面呀，小妹即刻面色一沉，覺得非常唔公平，不過咁又點？如果命運能選擇… …呢啲就係命，所以嗌呢個火鍋之前，要睇彩數，如果你好介意有冇膏，不如自己去超市買有膏嘅返屋企打邊爐仲開心。好唔容易等啲湯滾，小妹就食住鍋入面啲料先，有兩隻蝦、幾塊「黃牙白」、兩塊魚腐同一注金針菇，連冬菇都唔見咗，朋友嗰鍋就有大大隻冬菇！比起大家樂嘅蔬菜盛盒真係有啲輸蝕。小妹夾咗啲菜食，湯底味道冇大家講嘅龍蝦味濃，可能又係睇分店位置同彩數，但呢個價錢，食到少少
話說小妹同朋友特登約埋去試食，個餐一到，小妹即刻心心眼，因為真係大大隻波士頓龍蝦喺眼前呀！仲要大過同長過隻手掌，小妹即刻磨拳擦掌準備開餐。點知打開隻龍蝦一睇，竟然係冇橙色膏嘅，我忍唔住望吓隔離嗰枱一家三口，佢哋都係嗌龍蝦，但佢哋嗰隻有大大嚿橙色膏喺入面呀，小妹即刻面色一沉，覺得非常唔公平，不過咁又點？如果命運能選擇… …呢啲就係命，所以嗌呢個火鍋之前，要睇彩數，如果你好介意有冇膏，不如自己去超市買有膏嘅返屋企打邊爐仲開心。
好唔容易等啲湯滾，小妹就食住鍋入面啲料先，有兩隻蝦、幾塊「黃牙白」、兩塊魚腐同一注金針菇，連冬菇都唔見咗，朋友嗰鍋就有大大隻冬菇！比起大家樂嘅蔬菜盛盒真係有啲輸蝕。小妹夾咗啲菜食，湯底味道冇大家講嘅龍蝦味濃，可能又係睇分店位置同彩數，但呢個價錢，食到少少龍蝦味，都算OK，之後小妹就想碌龍蝦，但係我即刻停咗一停，心諗：個龍蝦鉗咁硬，佢又冇預先敲碎啲殼，又冇畀拆殼鉗我，唔通我要用牙咬？於是我就同朋友睇吓隔離一家三口點樣食，唔通人哋有鉗，而我哋冇？始終係咁搜尋人哋張枱好唔禮貌。
「咔嚓」
突然，聽到隔離勁大聲，原來個爸爸真係勇到用牙咬，堅係令我大開眼界！我即刻耍手拎頭衝去攞餐部問佢有冇鉗借畀我（純粹搏一搏），點知店員用親切嘅笑容同我講：「有呀！」然後就將個拆殼鉗遞畀我，我差啲感動到想喊，我啲牙唔使犧牲喇… …當我攞住個鉗返埋位嘅時候，個一家三口已經KO晒成隻龍蝦，但見到我攞住隻鉗，個爸爸堅係呆咗，對唔住呀，我趕唔切幫你… …不過我相信有好多人都唔知吉野家有鉗借畀大家，所以全部都係用牙咬，所以小妹一知道，就即刻PO文話畀大家知！
至於龍蝦嘅味道，咪就係同一般嘅雪藏龍蝦一樣，所以都OK嘅！不過值得一讚嘅係，小妹嗌咗公仔麵打邊爐，出到嚟係成包出前一丁咁上，最後小妹食唔晒，成包公仔麵攞咗番屋企，唔使做大嘥鬼！
張貼
