太興 (已結業)

師傅見今日悶悶地, 於是決定由灣仔行去銅鑼灣順便食個午膳, 但就漫無目的地行, 終於行到黎呢間食店面前, 諗左三秒決定入去試下, 因為師傅從來都未黎過!入到去唔算好多人, 可能係時間尚早嘅關係啦, 伙計安排坐底後, 跟住就放低杯清茶! 好, 睇下有咩好食先, 睇睇下師傅都有d三心兩意咁, 最後都係決定係食燒味飯, 因為呢間食店叫做燒味連鎖店, 所以冇理由唔試, 於是就柯打左個叉燒飯同凍檸檬茶!於是喺等嘅過程中, 師傅覺得有d口渴, 所以想飲啖清茶, 點知一攞起隻杯, 準備放入口時, 師傅聞到好重漂水味, 前後將呢個動作做左兩次, 最後都係放棄, 咁重漂水味點飲呀?一息間叉燒飯就放左喺師傅面前, 其實喺落單前, 師傅見到佢個餐牌上有個溫馨提示, 就係如需多飯, 佢地係可以比多d你嘅, 撞啱今日師傅鬼咁肚餓, 所以都要多飯; 點知一放底個叉燒飯, 師傅就發覺原來要求多飯都係得咁少, 如果唔叫佢多飯, 好可能真係唔夠食喎! 先試下個叉燒, 叉燒係半肥瘦, 有蜜味, 甜甜地加上肉質夠鬆, 都幾好味; 白飯配佢嘅豉油汁都叫可以, 因為豉油汁唔算太咸, 甜甜地都幾好味; 凍檸檬茶都算大杯, 茶味都