新富盈四川麻辣米線 (已搬遷) 新店位置

十一月廿三日, 由於搬咗過嚟土瓜灣後, 冇得食《譚仔》既麻辣米線,所以要再周圍搵吓呢頭有咩四川米線食,今晚同 Winnie 走先嚟呢間試吓, 坐入去, 都算幾多人, 諗住都唔太差啦,點知... 睇完餐牌知冇酸辣湯底已經好失望, 碗麵嚟到已經少少扣分, 因為啲料好少, 再食落口, 嘩! 個湯底唔得喎! 唔係唔夠辣, 而係個湯底本身冇味呀! 腩肉又多肥膏, 個湯底唔靚, 搞到啲竹笙都唔夠好味...雖然話食得四川麻辣米線既人都係想食辣, 但未忌係得個辣字冇其他味囉!越食越覺得同《譚仔》實在差太遠, 我同 Winnie 都話以後唔會再幫襯...個菜就 OK, 不過個麵既湯底唔掂, 就乜都冇得傾啦!睇嚟我哋要再努力搵過附近有冇第二間比較得既麻辣米線店!!更詳細資料及圖片請看 : http://hk.myblog.yahoo.com/joycewai616/article?mid=11547