和平飯店 (V Walk) (已結業)

咁啱叫嗰兩樣嘢算正常普通， 見到好多負評都係叫咗佢哋啲餸。叫咗兩樣外賣1.) 排骨湯麵 呢個就有分湯， 個湯清清地鹹鹹地， 呢個豬扒好似嗰啲，由一個供應商整出嚟嗰啲，因為好似喺幾個地方，都食過類似質地同味道。 味道鹹鹹地， 冇乜豬扒味， 啲肉係輕鬆咬得開嗰啲。2.) 嫩雞濃湯煨麵佢嘅濃湯唔似係淆出嚟， 有少少似煮上海麵 ，煮完之後嗰啲水， 雞同菜都正常， 因為冇分湯(排骨湯麵佢就有分湯...)，所以d麵質過腍 , 差少少好似食糊仔咁。總結 : 同一個價錢，有唔少其他選擇。