寶寶雞煲 (已搬遷) 新店位置

睇過開飯知道旺角除咗來來,都有雞煲食,地點都方便就食下啦!同食開的雞煲完全唔同,平時食係好乾身的,這個雞煲比較似湯煲!雞都算滑,不過湯味好淡,所以雞都唔係太入味!同侍應講個煲好淡,佢反映話唔會淡,會愈食愈入味,咁我地就希望真係會愈食愈入味!!炸腐皮都好好味,仲跟一樽蒜鹽比你調味,係全晚最好味的一道菜其他仲有叫:生菜粉腸薯粉絲豬皮全部配料都係正常,不過可能我個人真係唔習慣呢種淡味湯雞煲啦!到我離開時....個煲都煲o左2個鐘,但都係好淡....最終都冇愈食愈入味的感覺!所以我唔會再光顧,都係傳統的雞煲比較對我口味!!