影片
更多
2023-02-27
345 瀏覽
上個星期去咗同様係Royal 成員嘅Alva House食自助晚餐，覺得服務差、雖然食物質數算唔錯，不過唔係好值咁多錢。前晚去咗沙田帝都酒店YAMA食半自助晚餐，覺得好奇怪，點解同一集團，價錢差唔多，但係服務態度同食物質素可以咁大分別。坐低冇耐已經有人埋嚟話：「你哋人齊，我同你上個刺身拼盤先。」拼盤嚟到未食已經覺得好新鮮。先試帶子刺身，非常鮮甜，成碟嘢唔使一陣就清晒。超正！未上主菜，話明半自助餐，梗係睇吓有冇乜嘢好食啦！雖然食咗好正嘅刺身，都攞咗啲壽司食，款式唔多，不過都新鮮👍🏼，蟹籽沙律唔係碟碟都咁多蟹籽。😅食完一輪凍嘢，佢哋上個海膽茶碗蒸，第一次食有海膽嘅，梗係有啲期望，味道okay 啦，不過望落同食落去，都好多透明嘅芡汁。我個人覺得麻麻。燒物同炸物都有，但係佢哋冇逐樣寫係乜嘢，例如雜錦天婦羅，你就要估下係乜嘢。😂主菜我哋揀咗鰻魚同埋要加$100嘅龍蝦。兩個質素都好得。鰻魚唔太甜，魚質嫩滑，大型超市買嗰啲冇得比。龍蝦全隻新鮮多肉，加$100都值！甜品同生果就唔好期望咁多啦😅，好彩個餐有焙茶雪糕送，仲會有禮貌咁問你食完嘢上得味未。😊整體嚟講，今餐食得開心，最正係刺身同主食，服務態度非
前晚去咗沙田帝都酒店YAMA食半自助晚餐，覺得好奇怪，點解同一集團，價錢差唔多，但係服務態度同食物質素可以咁大分別。
坐低冇耐已經有人埋嚟話：「你哋人齊，我同你上個刺身拼盤先。」拼盤嚟到未食已經覺得好新鮮。先試帶子刺身，非常鮮甜，成碟嘢唔使一陣就清晒。超正！
刺身拼盆
6 瀏覽
1 讚好
0 留言
壽司
2 瀏覽
0 讚好
0 留言
蟹籽沙律
0 瀏覽
0 讚好
0 留言
食完一輪凍嘢，佢哋上個海膽茶碗蒸，第一次食有海膽嘅，梗係有啲期望，味道okay 啦，不過望落同食落去，都好多透明嘅芡汁。我個人覺得麻麻。
海膽茶碗蒸
2 瀏覽
0 讚好
0 留言
燒物同炸物都有，但係佢哋冇逐樣寫係乜嘢，例如雜錦天婦羅，你就要估下係乜嘢。😂
雜錦天婦羅
8 瀏覽
0 讚好
0 留言
主菜我哋揀咗鰻魚同埋要加$100嘅龍蝦。兩個質素都好得。鰻魚唔太甜，魚質嫩滑，大型超市買嗰啲冇得比。龍蝦全隻新鮮多肉，加$100都值！
蒲燒鰻魚
4 瀏覽
0 讚好
0 留言
北海燒龍蝦（全隻）
5 瀏覽
0 讚好
0 留言
甜品同生果就唔好期望咁多啦😅，好彩個餐有焙茶雪糕送，仲會有禮貌咁問你食完嘢上得味未。😊
甜點
2 瀏覽
0 讚好
0 留言
焙茶雪糕
4 瀏覽
0 讚好
0 留言
整體嚟講，今餐食得開心，最正係刺身同主食，服務態度非常好，密密嚟清枱面。👍🏼👍🏼同Alva 個餐比，大家都係同一集團，都係八折，後人均都係大約$700，不過呢餐好得多。😃
張貼
