Cova Pasticceria & Confetteria (已搬遷) 新店位置

諗唔到買咩生日蛋糕俾老公🤣上網睇咗好多食評，終於鎖定COVA，之前一直以為佢叫OYA😂買咗一個七吋招牌芒果蛋糕，都擔心會好普通，點知超級好食，芒果同忌廉味道好混合，唔係一嚿嚿芒果，但係食得出中間有好多芒果，芒果亦唔會好酸。忌廉亦都唔會好漏，蛋糕同忌廉亦好融洽，唔似普通蛋糕，海綿蛋糕同忌廉係分開的第二日，我問老公好唔好食？佢話好好食，真浮誇😂不過我哋好快忍唔住去咗其他分店再買來食，味道真係好食，口感亦好喜歡。