廚十三老壇酸菜魚 (D2 Place ONE) (已結業)

成日都會行過嚟 D2食晏, 酸菜魚係我地其中一間心水好選擇。除咗買埋佢嘅酸辣粉返屋企食之外, 哥日趁放早小小 的起心肝同佢黎食晚飯。鐘意佢地樽熱茶 食酸菜魚飲 感覺幾舒心。食過大部份涼菜小食 都唔錯架。平時多數叫刀拍前男友 木耳 無面男 皮蛋 同 脆荀諗住清清地, 佢又想試下,所以食脆荀食過好多間酸菜魚, 廚十三嘅魚片最得我心！塊塊滑滑啖啖肉得黎 我無試過食到骨！我真係食得好開心！我係哥啲怕骨怕到一食到小小骨 就成餐唔敢再食落去嘅人黎呀因為...入面嘅蓮藕片好好味架每次都努力夾黎食個湯底酸酸辣辣恰到好處, 配米線食好好味 好開胃架!!! 今次我失策咗, 平時 lunch 慣咗有米線, 無發現晚餐係無嘅... T_T 所以我啲米線係後尾追加嘅, 個湯稍為涼咗啲先至放落去, 結果唔夠淋唔夠入味, 嗚嗚嗚...食到一半, 見到隔離枱叫餐, 抵啲架, 會好似 lunch, 咁跟埋嘢飲的, 前菜啱口味嘅話, 記要叫餐啊。