盛記酒家

營業中

休息中

新同事 Wellcome Lunch，揀左公司附近呢間食開嘅平民化粵菜飲茶，貪佢唔係好貴得嚟啲嘢都幾好食！撞正 Lunch Hour，全場爆滿，好彩有提早訂定位，環境就不過不失啦，唔算特別乾淨，勝在夠曬熱鬧！.叫咗幾款招牌點心蝦餃叉燒包呢啲飲茶必嗌啦，全部超足料又熱辣辣，蝦餃大大粒皮又唔係好厚，差啲想叫多籠 Share😌，不過最尾都係忍手決定試多幾款點心哈哈。.另外點少得超惹味椒鹽鮮魷，啱啱炸好脆卜卜，配埋淮鹽同喼汁一齊食，Yummy！不過食得太多會熱氣，我都係飲番多幾杯茶先。.最後嚟到盛記點可以唔食燒鵝，叫咗半隻份量已經好夠，啖啖肉超滿足，又唔會太肥膩，值得加分，食飽飽又有動力繼續翻工😌。