上海婆婆 (已結業)

約左幾個同事食晚飯小聚，走去荃灣綠楊坊，行左陣去睇樂器之後，6點正就見到上海婆婆岩岩開，係出邊見d位都坐得舒服，就入左去。睇餐牌都見有好多野想食，就決定食d上海特色野，我地總共叫左7個菜麻醫雞絲粉皮夠惹味，撈埋青瓜絲一齊食好清新。小籠包一人一件唔洗爭咬入去d熱湯滲出黎，味道都ok。跟住上左婆婆炒飯，有d蠟味炒埋一齊幾好味，都唔算太油，鐘意食炒飯嘅可以一試！呢味好似叫黃金四季豆，唔肯定個名，但呢個好好食，用鹹蛋黃炒四季豆都幾邪惡，但聞同食落係好香上海年糕質感好有咬口，個汁味道適中。金華火腿津白，津白有甜味，但金華火腿太鹹了，撈埋兩樣一齊食都好鹹。可能係平日晚，成晚都唔算多人，所以我地食完都仲坐多陣先走。價錢都算大眾化，整體上都值得推介！