影片
更多
2023-05-12
51 瀏覽
放咗工同同事嚟到喜記食海鮮，一直都聽人講話喜記嘅海鮮非常出名，但係就真係第一次嚟食，真係要認真嗒一嗒！🦀招牌避風塘炒辣蟹2隻超級好味，又香又辣送飯一流嘅避風塘炒辣蟹，蟹鉗非常大隻，啖啖都係肉。蟹肉就咁食非常甜，配埋個炸蒜粒，香辣有香口！🦐椒鹽特大瀨尿蝦6隻（每人一隻👍）呢個賴尿蝦都係必食㗎，大大隻用椒鹽炒，椒鹽嘅味道非常惹味，滲晒入蝦殼同蝦肉入邊，蝦嘅甜味和椒鹽嘅刺激味融合喺一齊😋🐟椒鹽九肚魚超滑啲啲嘅九肚魚，魚肉非常非常滑，大廚已經將佢起晒骨，食落去淡淡都係魚肉，椒鹽家蒜粒，極惹未配搭！🐖白灼豬肚九菜花呢個白灼豬肚韭菜花，清清地，食到原汁原味嘅豬肚，和韭菜花味。豬肚好有口感，韭菜花嘅味道清香。🐚油鹽水浸蜆原汁原味油鹽水浸，蜆已經吐晒啲沙出嚟，蜆肉大隻又鮮甜。🐓沙薑鷄腳雞腳煮得非常諗，入口已經骨肉分離，非常容易食，沙薑🫚味十足，係我食過最好食嘅沙薑雞腳！🐚白灼花螺花螺好大隻，廚師仲好有心機將每一隻花螺到撩左出嚟，先至再原隻攞去灼。食嗰時客人唔使一隻一隻好辛苦慢慢撩，非常加分。螺肉彈牙夠原汁原味。🐖避風塘蒸排骨呢個避風塘蒸排骨同豆豉蒸排骨好相似，只係生蒜頭轉左炸蒜頭，因為係炸蒜頭，所以多
放咗工同同事嚟到喜記食海鮮，一直都聽人講話喜記嘅海鮮非常出名，但係就真係第一次嚟食，真係要認真嗒一嗒！
🦀招牌避風塘炒辣蟹2隻超級好味，又香又辣送飯一流嘅避風塘炒辣蟹，蟹鉗非常大隻，啖啖都係肉。蟹肉就咁食非常甜，配埋個炸蒜粒，香辣有香口！
🦐椒鹽特大瀨尿蝦6隻（每人一隻👍）呢個賴尿蝦都係必食㗎，大大隻用椒鹽炒，椒鹽嘅味道非常惹味，滲晒入蝦殼同蝦肉入邊，蝦嘅甜味和椒鹽嘅刺激味融合喺一齊😋
🐟椒鹽九肚魚超滑啲啲嘅九肚魚，魚肉非常非常滑，大廚已經將佢起晒骨，食落去淡淡都係魚肉，椒鹽家蒜粒，極惹未配搭！
🐖白灼豬肚九菜花呢個白灼豬肚韭菜花，清清地，食到原汁原味嘅豬肚，和韭菜花味。豬肚好有口感，韭菜花嘅味道清香。
🐚油鹽水浸蜆原汁原味油鹽水浸，蜆已經吐晒啲沙出嚟，蜆肉大隻又鮮甜。
🐓沙薑鷄腳雞腳煮得非常諗，入口已經骨肉分離，非常容易食，沙薑🫚味十足，係我食過最好食嘅沙薑雞腳！
🐚白灼花螺花螺好大隻，廚師仲好有心機將每一隻花螺到撩左出嚟，先至再原隻攞去灼。食嗰時客人唔使一隻一隻好辛苦慢慢撩，非常加分。螺肉彈牙夠原汁原味。
🐖避風塘蒸排骨呢個避風塘蒸排骨同豆豉蒸排骨好相似，只係生蒜頭轉左炸蒜頭，因為係炸蒜頭，所以多咗一份蒜香味。
🦪潮州蠔仔肉碎粥呢個蠔仔肉碎粥材料非常豐富，你一啖粥都食到蠔仔和肉碎，好味好味！
張貼
