山崎麵飽

營業中

休息中

天水圍站📍山崎麵包檸檬芝士蛋糕（$148）同事生日又到買蛋糕嘅時候喇，外賣平台選擇真係唔係好多，不過咁啱見到山崎原來都有得蛋糕外賣，呢個檸檬芝士撻只係$148就有一磅，都幾抵喎！賣相來講呢就冇其他蛋糕咁靚，不過簡簡單單慶祝都唔錯啦。面頭有一層檸檬漿，蛋糕入面都有少少檸檬醬夾心，外面有少少杏仁脆片。成個蛋糕食落就好清新，唔會覺得好Heavy，面頭嗰粒士多啤梨係我哋自己加落去嘅。一磅來講六個人食都夠晒啦，不過外面陳cream就略嫌多咗少少。$148咁嘅質素都算唔錯啦，如果佢有多啲款揀會更加好。大家都不妨試吓啦。