合十 (已結業)

🍹🍲合十Fusion Tens🍝🥗好耐無同舊同事食飯，大家都就腳，約左係觀塘食👍間餐廳好近地鐵站，係舊同事揀的，我都唔知有間隱世餐廳。🔸牛油香草白酒蜆 - 個汁完全係個名一樣，牛油香濃，白酒味都好香👍蜆都算大隻！🔸巴馬火腿蝦球扁意粉 - 意粉好惹味，味道恰到好處，巴馬火腿都好香口。🔸帆立貝蟹肉南瓜意大利飯 - 可能我哋放咗一陣，覺得有少少乾，我會覺得意大利飯肥黏口啲，不過味道唔錯🔸小食拼盤 - 裏面有，燒菠蘿，炸魚餅，炸雞，洋蔥圈，墨西哥脆片，幾香口，唔會特別多炸粉。🔸巨型豬扒跟薯菜 - 呢個可以話係呢度嘅招牌菜，好多人叫個豬扒，真係大過隻碟，非常之巨型，切開其實啲肉都算嫩，肉質我覺得OK, 但如果你追求慢煮嗰種嫩，我諗未必啱你食。🔸粉碎性骨折 - 講緊杯野飲😊呢度啲飲品個名好搞笑，其實佢係接骨木花，薄荷葉，青檸，梳打水，雪糕。飲落都幾順口其實都算大杯！本身我哋話嗌瀑布蛋糕，不過太飽了，最後冇嗌到。下次再試！佢哋門口有一個打卡位，環境都非常之靚，不過佢哋係冇冷氣嘅，只有好多好多大風扇，其實唔會覺得好熱，不過啲風扇有啲吹到頭髮會亂，女士最好紮起頭髮😊