影片
更多
2014-08-22
6375 瀏覽
一行人5個小童14個大人，約好21/8晚上到魚排玩加埋食海鮮。一星期已開始商量到西貢定三門仔好，最後決定去三門仔啲魚排試吓。上網揾資料，但三門仔可以食海鮮加釣魚嘅魚排資料好少，朋友去開嗰檔又full咗，於是揾咗水中天。當天天文台話會有驟雨，但好好彩天公做美，無兩而且好好天。一行人大約5点幾到魚排，負責人問咗我哋用餐時間，咁我哋首先揾個房（其實係有蓋嘅木棚仔），放好晒啲手袋背包，大家開始釣魚。初初大家好有信心可以釣到魚，因為見到其他人釣到好大條䱽魚。但我哋釣到7点幾都淨係釣到兩條泥鯭仔，真係好可惜！7点半，夠鐘開餐。首先係跳螺，炒蜆，灼蝦，釣墨魚，蒸扇貝。味道一般，始終唔係酒家。跳螺都幾鮮味，但啲螺肉好難先整到出嚟。啲蝦唔夠新鮮。灼墨魚，口感OK，尚算幾爽口。炒蜆令人失望。蒸扇貝好難整得難食，所以係全最好食嘅一道菜式，每人一件，話咁快清晒。跟住係黃油雞，灼生菜，蒸青班（斬件），蟹粥。首先講吓隻雞淡而無味。條魚斬晒件，我哋問佢係乜魚，佢話係班，最攪笑條魚無打鱗，叫人点食呀！最後蟹粥，淨得彊味，無蟹味又唔鮮，今餐真係令人好失望。埋單，每位200幾蚊，價錢的確好抵加埋有得釣魚，所以大家尚可接受
當天天文台話會有驟雨，但好好彩天公做美，無兩而且好好天。一行人大約5点幾到魚排，負責人問咗我哋用餐時間，咁我哋首先揾個房（其實係有蓋嘅木棚仔），放好晒啲手袋背包，大家開始釣魚。初初大家好有信心可以釣到魚，因為見到其他人釣到好大條䱽魚。但我哋釣到7点幾都淨係釣到兩條泥鯭仔，真係好可惜！
7点半，夠鐘開餐。首先係跳螺，炒蜆，灼蝦，釣墨魚，蒸扇貝。味道一般，始終唔係酒家。跳螺都幾鮮味，但啲螺肉好難先整到出嚟。啲蝦唔夠新鮮。灼墨魚，口感OK，尚算幾爽口。炒蜆令人失望。蒸扇貝好難整得難食，所以係全最好食嘅一道菜式，每人一件，話咁快清晒。
跟住係黃油雞，灼生菜，蒸青班（斬件），蟹粥。首先講吓隻雞淡而無味。條魚斬晒件，我哋問佢係乜魚，佢話係班，最攪笑條魚無打鱗，叫人点食呀！最後蟹粥，淨得彊味，無蟹味又唔鮮，今餐真係令人好失望。
埋單，每位200幾蚊，價錢的確好抵加埋有得釣魚，所以大家尚可接受。但真係希望佢哋加多小小心思去煮啲海鮮。下次決定到西貢魚排再試吓啲海鮮餐。
張貼
