影片
更多
2021-05-09
463 瀏覽
之前食過尖沙咀分店覺得好高質，今次朋友生日就諗住揀大家就腳既觀塘分店慶祝。因為驚坐户外有蚊，打電話book位時同左staff講想坐室內，同埋朋友生日，想喺甜品上寫Happy Birthday，仲特登串埋個英文名諗住比個小驚喜佢。之前睇人影相幾靚，去到原來就係得個門口😓所以都無咩特別興趣影相。而且入面原來好細，安排左坐對正門口既位都幾熱，入面好似無開冷氣咁。由於有朋友未到咁就先叫飲品，staff又同我地講係happy hour，點知到比完錢之後先發現佢收左正價🤬🤬叫左杯The Classic ($108) 青檸味幾重，無乜特別Before Sunrise ($108)，初初飲覺得好fresh，好似無咩酒精咁，好易入口，果味幾重，無藥水味，但飲到尾發覺原來有啲酒沉喺個底到無搞勻，又無比飲管🙄一開頭叫左兩款hot tapas，其中一款係好多人推薦既西班牙薯仔蛋餅 ($78)見到人哋嗰啲影得好靚，不過可能我地切得衰啦，一切開係流到一碟都係賣相雖然一般，但係味道正常，蛋香味重，薯仔係幾好食。呢個炸黑毛豬火腿球伴蘋果蜜糖蛋黃醬 ($78)，唔係好知食咗啲乜😅一切開又爛晒，入面有啲似芝士，唔係好食到
由於有朋友未到咁就先叫飲品，staff又同我地講係happy hour，點知到比完錢之後先發現佢收左正價🤬🤬
叫左杯The Classic ($108) 青檸味幾重，無乜特別
The Classic
$108
16 瀏覽
0 讚好
0 留言
Before Sunrise ($108)，初初飲覺得好fresh，好似無咩酒精咁，好易入口，果味幾重，無藥水味，但飲到尾發覺原來有啲酒沉喺個底到無搞勻，又無比飲管🙄
Before sunrise
$108
18 瀏覽
0 讚好
0 留言
一開頭叫左兩款hot tapas，其中一款係好多人推薦既西班牙薯仔蛋餅 ($78)見到人哋嗰啲影得好靚，不過可能我地切得衰啦，一切開係流到一碟都係賣相雖然一般，但係味道正常，蛋香味重，薯仔係幾好食。
西班牙薯仔蛋餅
$78
13 瀏覽
0 讚好
0 留言
呢個炸黑毛豬火腿球伴蘋果蜜糖蛋黃醬 ($78)，唔係好知食咗啲乜😅一切開又爛晒，入面有啲似芝士，唔係好食到有肉既味道。
炸黑毛豬火腿球伴蘋果蜜糖蛋黃醬
$78
7 瀏覽
0 讚好
0 留言
Main course叫左3樣，呢個西班牙海鮮鍋飯 ($188) 二人份，飯係幾好食，有咬口，唔會好腍，海鮮方面，青口有一半都係得殼，仲有啲碎殼蝦既味有少少霉
西班牙海鮮鍋飯
$188
9 瀏覽
0 讚好
0 留言
烤煎慢煮西班牙黑毛豬鞍架配些厘醋燒汁伴炸薯粒 ($158)，明明係薯粒，變左薯條🍟，staff上枱時無講，都算，反正仲有食物未到，廢時講完之後啲食物仲難食🌚呢個之前喺尖沙咀食過覺得好食先再叫，不過呢間既肉質就唔係好嫩，而且好多肥膏。之前食既薯粒係索晒啲肉汁，呢到既薯條，大家都有眼睇😀
烤煎慢煮西班牙黑毛豬鞍架配些厘醋燒汁伴炸薯粒
$158
8 瀏覽
0 讚好
0 留言
跟住叫咗一隻霹靂蜜糖烤慢煮法國黃油春雞 ($188)，一上枱呆左，賣相非常唔討好，啲汁又稀，勁似嘔吐物，春雞有少少鞋。大家望下尖沙咀同觀塘分店既分別就會明👇🏼尖沙咀果間既春雞索左啲汁好入味，但觀塘就🤦🏻♀️
霹靂蜜糖烤慢煮法國黃油春雞
$188
112 瀏覽
0 讚好
0 留言
大家覺得好似爭少少所以就叫多個炸番薯條配是拉差蒜蓉蛋黃醬 ($58)，應該係成晚最好食既嘢，又熱又脆
炸番薯條配是拉差蒜蓉蛋黃醬
$58
6 瀏覽
0 讚好
0 留言
都未食完已經last order，咁我地諗住叫定甜品，staff話我地食到咁上下先叫佢上，結果未食完，枱都未執好已經上左甜品😐
然後明明打電話預留左要喺上面寫名，叫左兩款甜品諗住點都有一款寫左，點知兩款黎到都無，搞到要特登喺生日嗰個面前問，個staff先話係喎，幫你加返。再黎一次都係無寫名，剩係得happy birthday😒咁首先呢個西班牙肉桂多士配新鮮雜莓 ($58) 其實都係得士多啤梨，一上枱我地想影相，staff有提醒我地盡快食。咁我地未影完，隔咗一陣佢又行埋黎話哇，你地仲未食，我哋心諗關你咩事🌚已經無幫我寫名，錯完一次又一次。
西班牙肉桂多士配新鮮雜莓
$58
16 瀏覽
0 讚好
0 留言
其實最後都唔係影咗好耐，影完就食，一件正常肉桂多士味，另一件入面好似出水咁🤢一咬流晒啲汁出黎，見到都唔開胃！
西班牙肉桂多士配新鮮雜莓
$58
7 瀏覽
0 讚好
0 留言
仲有呢個炸西班牙油條配朱古力醬 ($58)，好甜，比起平時既churros甜😐
炸西班牙油條配朱古力醬
$58
8 瀏覽
0 讚好
0 留言
相信以後都唔會再黎啲staff態度非常一般，好鍾意喺人哋圍埋一齊傾偈時伸隻手入嚟收碟。特別係有個年紀大啲既女人啲態度麻麻，又追我地食野，食物未黎齊又上甜品，成枱都係碟又未執。而且到9:45既時候仲有其他客人，當我哋帶返口罩準備走，有staff無啦啦熄燈，跟住有個男既仲叫 “走啦”，好似想趕人哋走咁，咁唔想做生意，唔好開到10點啦
張貼
