影片
更多
2022-10-12
70 瀏覽
今日行行下尖沙咀見到呢間日本餐廳除左有lunch set，仲有lunch omakase，＄588包左3點刺身、8貫壽司，仲有茶碗蒸手卷烏冬呢d必有既item。我地兩個人就叫左一個omakas＄588一個櫻之刺身御膳配日本珍珠米 ＄588前茶三點係柚子蕃茄、漬牛榜、小女子，小女子即係魚仔乾加埋芝麻合核，甜甜地又幾好味，係第一次食小女子，幾得意！蟹肉茶碗蒸夠滑有蛋味，入面仲有白果，好有益既食材刺身3點係鰆魚、三文魚子、帆立貝、蝦，蝦，上面有蝦頭膏吊返出蝦既鮮味，蝦膏十分濃郁，同淡味既蝦好夾，話就話係刺身3點，食食下發現有5點，師傅咁樣做生意，我會好想再幫襯喎！！！！！8貫壽司：壽司飯用左秘密黎撈飯，師傅話係商業秘密，飯會呈現出少少紅色，係將一d蔬果打汁撈埋一齊，可以降血壓，對身體好，食落又食唔出係咩，總之有飯香甜甜地好味就得！鰆魚深海池魚比較實肉，師傅話係係崖邊生長所以會彈牙同實少少鯖魚頗肥，有油脂，同鯖魚定食個種又唔同池魚配埋黑松露好香鰤魚方魚銀鱈魚超肥美！係今日Mvp，入口即融啊！師傅話銀鱈魚要細條先可以做刺身，如果唔係會有虫虫，大既通常會做京西燒。比舞鯛用蘋果木煙燻過，配辣辣地既醬
前茶三點係柚子蕃茄、漬牛榜、小女子，小女子即係魚仔乾加埋芝麻合核，甜甜地又幾好味，係第一次食小女子，幾得意！
蟹肉茶碗蒸夠滑有蛋味，入面仲有白果，好有益既食材
刺身3點係鰆魚、三文魚子、帆立貝、蝦，蝦，上面有蝦頭膏吊返出蝦既鮮味，蝦膏十分濃郁，同淡味既蝦好夾，話就話係刺身3點，食食下發現有5點，師傅咁樣做生意，我會好想再幫襯喎！！！！！
8貫壽司：壽司飯用左秘密黎撈飯，師傅話係商業秘密，飯會呈現出少少紅色，係將一d蔬果打汁撈埋一齊，可以降血壓，對身體好，食落又食唔出係咩，總之有飯香甜甜地好味就得！
鰆魚
深海池魚比較實肉，師傅話係係崖邊生長所以會彈牙同實少少
鯖魚頗肥，有油脂，同鯖魚定食個種又唔同
池魚配埋黑松露好香
鰤魚
方魚
銀鱈魚超肥美！係今日Mvp，入口即融啊！師傅話銀鱈魚要細條先可以做刺身，如果唔係會有虫虫，大既通常會做京西燒。
比舞鯛用蘋果木煙燻過，配辣辣地既醬好惹味
白鰻魚比一般食既鰻魚實，但係唔un，幾肥美，又有鰻魚香，唔會太多醬蓋過食杉既味道，好考師傅功力！
大拖唔洗多講，一個字：正
最後呢個海膽吞那魚，就咁睇都好澎湃！好好食，海膽勁鮮，吞那魚肥美，一淡啪落去，無得輸，簡直係最完美既總結啊！！
櫻之刺身御膳配日本珍珠米有八款刺身！鰆魚、帆立貝、蝦、赤身、大拖、海膽、池魚，款款都咁生鮮好味，師傅對食材有一份堅持係到，見到佢切赤身個陣將d頭頭尾尾切左抌左，甚至乎抌既仲多過留低，先會有上碟咁四方靚仔既赤身，師傅話頭尾個味道質感都唔同，唔會咁樣上俾客人，呢種就係刺身師傅對食物既態度！
張貼
